சென்னையில் காணாமல் போன 16 வயது சிறுமி ஓசூரில் மீட்பு... காவல் நிலையத்திலிருந்து மீண்டும் தப்பியோட்டம்!

சென்னையில் இருந்து காணாமல் போன 16 வயது சிறுமி ஓசூரில் மீட்கப்பட்ட பின்னரும், மகளிர் காவல் நிலையத்திலிருந்து மீண்டும் தப்பியோடிய சம்பவம் பரபரப்பை ஏற்படுத்தியுள்ளது.கிருஷ்ணகிரி மாவட்டம் ஓசூர் பேருந்து நிலையப் பகுதியில், 16 வயது சிறுமி ஒருவர் தனியாக சுற்றித் திரிந்ததை கண்டு அப்பகுதி மக்கள் இதுகுறித்து போலீசாருக்கு தகவல் அளித்தனர். இதையடுத்து, ஓசூர் அனைத்து மகளிர் காவல் நிலைய போலீசார் சிறுமியை அழைத்து விசாரணை நடத்தியுள்ளனர்.

ஆராய்ச்சியின் போதில், சிறுமி சென்னை கொரட்டூர் பகுதியைச் சேர்ந்தவர் என்றும், இவர் 10 நாட்களுக்கு முன் காணாமல் போனதாக அவரது தந்தை கொரட்டூர் காவல் நிலையத்தில் புகார் அளித்திருந்தது தெரியவந்துள்ளது. உடனடியாக சிறுமியின் தந்தைக்கு தகவல் தெரிவிக்கப்பட்டது. இதை தொடர்ந்து, கொரட்டூர் போலீசார் அவருடன் சேர்ந்து ஓசூருக்கு பயணம் செய்தனர்.

இதற்கிடையில், ஓசூர் காவல் நிலையத்தில் உணவு அருந்திய சிறுமி, “கை கழுவிச் வருகிறேன்” என்று கூறி வெளியே சென்றதாக போலீசார் தெரிவித்தனர். சில நிமிடங்களில் அவர் மீண்டும் உள்ளே வராததை கவனித்த அதிகாரிகள் தேடத் தொடங்கினர். ஆனால் அவர் அங்கிருந்து தப்பிச் சென்றது உறுதி செய்யப்பட்டது.எல்லைப் பகுதியில் உள்ள ஓசூரில் இருந்து சிறுமி அண்டை மாநிலத்துக்குத் தப்பிச் செல்ல முயன்றாரா என்ற கோணத்தில் தீவிரமாக போலீசார் தேடுதல் நடவடிக்கை மேற்கொண்டு வருகின்றனர்.காவல் நிலையத்திலிருந்தே சிறுமி தப்பிய சம்பவம், உள்ளூரில் பெரும் பரபரப்பை ஏற்படுத்தியுள்ளது.

இதையும் பிடிச்சிருந்தா படிச்சு பாருங்க

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!

வாழ்வில் செல்வமும், அதிர்ஷ்டமும் கிடைக்க இதை மறக்காதீங்க!

பள்ளத்தில் தவறி விழுந்த யானை !! வைரலாகும் வீடியோ!!

பாதாள அறையில் சாய்பாபா! ஷீரடி போகும் போது இதை மிஸ் பண்ணாதீங்க!