296 நாய்கள் ஒரே இடத்தில்!   Pool Party வைத்து Guinness சாதனை.. வைரல் காட்சிகள்

அமெரிக்காவின் லாஸ் வேகாஸ் நகரில் நடைபெற்ற வித்தியாசமான பூல் பார்ட்டி நிகழ்ச்சி ஒன்று Guinness World Record படைத்து கவனம் பெற்றுள்ளது. இதில் ஒரே நேரத்தில் 296 நாய்கள் கலந்து கொண்டு நீச்சல் குளத்தில் விளையாடி மகிழ்ந்தன.Doodlepalooza 2026 என்ற பெயரில் நடைபெற்ற இந்த நிகழ்ச்சி, லாஸ் வேகாஸில் உள்ள Cowabunga Vegas நீர் பூங்காவில் நடைபெற்றது. இதில் Doodle வகை நாய்கள் மற்றும் Poodle கலப்பின நாய்கள் தங்களது உரிமையாளர்களுடன் பங்கேற்றன.

நாய்களுக்காக ஏற்பாடு செய்யப்பட்ட இந்த சிறப்பு பூல் பார்ட்டியில் அங்கிருந்த அலைக்குளம், Splash Pad மற்றும் ஆழம் குறைவான நீர்ப்பகுதிகள் பயன்படுத்தப்பட்டன. ஏராளமான நாய்கள் ஒரே இடத்தில் நீரில் விளையாடிய காட்சிகள் பார்வையாளர்களை கவர்ந்தன.

இந்த நிகழ்ச்சியில் மொத்தம் 296 நாய்கள் பங்கேற்றதாக Guinness World Records அதிகாரி நேரில் இருந்து எண்ணிக்கையை சரிபார்த்து சாதனையை உறுதி செய்தார். இதன் மூலம் 2026 மே மாதம் அமெரிக்காவின் புளோரிடா மாநிலத்தில் 276 நாய்கள் பங்கேற்று படைத்திருந்த சாதனை முறியடிக்கப்பட்டது.National Dog Week-ஐ முன்னிட்டு நடைபெற்ற இந்த நிகழ்ச்சிக்கு We Love Doodles நிறுவனம் ஆதரவு வழங்கியது. Doodle Rescue USA அமைப்புக்காக நிதி திரட்டுவதும், மீட்பு மற்றும் தத்தெடுப்பு பணிகள் குறித்த விழிப்புணர்வை ஏற்படுத்துவதும் நிகழ்ச்சியின் மற்றொரு நோக்கமாக இருந்தது.

இந்த நிகழ்ச்சியில் திரட்டப்படும் நிதி, நாய்களுக்கான மருத்துவ சிகிச்சை, பராமரிப்பு, தற்காலிக பாதுகாப்பு, போக்குவரத்து மற்றும் தத்தெடுப்பு நடவடிக்கைகளுக்கு பயன்படுத்தப்பட உள்ளதாக ஏற்பாட்டாளர்கள் தெரிவித்துள்ளனர்.ஒரே நீச்சல் குள விருந்தில் 296 நாய்கள் கலந்து கொண்டதன் மூலம் உருவான இந்த புதிய Guinness சாதனை, சமூக வலைதளங்களிலும் கவனம் பெற்றுள்ளது.