ஜோதிட சாஸ்திரத்தில் சூரிய பகவான் மற்றும் புதன் பகவான் இருவரும் ஒரே ராசியில் இணைவது 'புதாதித்ய யோகம்' என்று அழைக்கப்படுகிறது. 'புதன்' புத்தி கூர்மை, கல்வி, வணிகம் மற்றும் பேச்சாற்றலுக்கும், 'சூரியன்' ஆன்ம காரகன், தைரியம், அரசு மற்றும் உத்தியோகத்திற்கும் அதிபதியாவார். இந்த இரு கிரகங்களின் சேர்க்கை ஒரு ஜாதகத்தில் நிகழும் போது, அது ஒரு சக்திவாய்ந்த ராஜயோகத்தை உருவாக்குகிறது. இந்த யோகத்தால் இந்த 5 ராசிக்காரர்களுக்கு என்னென்ன நற்பலன்களை கிடைக்கும் என்று பார்க்கலாம். 

புதாதித்ய யோகம் அமையப்பெற்றவர்களின் அறிவுத் திறன், பகுப்பாய்வு செய்யும் ஆற்றல் மற்றும் முடிவெடுக்கும் திறன் ஆகியவை மிகச் சிறப்பாக இருக்கும். வணிகம் மற்றும் தொழிலில் ஈடுபடுபவர்கள் மிகப்பெரிய லாபத்தை ஈட்டுவார்கள். பேச்சுத் திறமையால் மற்றவர்களைக் கவரும் வல்லமை இவர்களுக்குக் கைவரும். அரசுத் துறையில் பணிபுரிபவர்களுக்கும், அரசியலில் இருப்பவர்களுக்கும் மேன்மை, புகழ் மற்றும் உன்னதமான பதவிகள் தேடிவரும்.

மேஷம்: மேஷ ராசிக்காரர்களுக்கு இந்த யோகம் பொருளாதார ரீதியாகவும் தொழில் ரீதியாகவும் மிகப்பெரிய திருப்புமுனையைத் தரும். புதிய முதலீடுகளில் இலாபம் ஈட்டுவதற்கான வாய்ப்புகள் பிரகாசமாக இருக்கும். போட்டித் தேர்வுகளில் மாணவர்களுக்கு வெற்றி கிடைக்கும்.

மிதுனம்: புதன் பகவானை ராசி அதிபதியாகக் கொண்ட மிதுன ராசிக்காரர்களுக்கு புதாதித்ய யோகம் சிறப்பான நன்மைகளை வழங்கும். சமூகத்தில் இவர்களின் அந்தஸ்தும் கௌரவமும் உயரும். நீண்ட நாட்களாகத் தடைபட்டிருந்த காரியங்கள் தடங்களின்றி நிறைவேறும். புதிய ஒப்பந்தங்கள் மற்றும் தொழில் வாய்ப்புகள் தேடிவரும்.

சிம்மம்: சூரிய பகவானை ராசி அதிபதியாகக் கொண்ட சிம்ம ராசிக்கு இந்த யோகத்தால் திடீர் தனவரவு மற்றும் எதிர்பாராத அதிர்ஷ்டம் உண்டாகும். அலுவலகத்தில் உயர் அதிகாரிகளின் முழு ஆதரவு கிடைக்கும். உத்தியோகத்தில் இருப்பவர்களுக்குப் பதவி உயர்வு மற்றும் சம்பள உயர்வு கிடைக்க வாய்ப்புள்ளது.

துலாம்: துலாம் ராசிக்காரர்களுக்குக் கூட்டுத் தொழில் மூலம் நல்ல லாபம் கிடைக்கும். கணவன்-மனைவிக்கிடையே இருந்த கருத்து வேறுபாடுகள் நீங்கி அந்நியோன்யம் அதிகரிக்கும். வெளிநாடு செல்ல முயற்சித்துக்கொண்டிருப்பவர்களுக்குத் தகுந்த நல்ல செய்திகள் வந்து சேரும்.

கும்பம்: கும்ப ராசிக்காரர்களுக்கு இந்த யோகக் காலமானது ஆன்மீக ஈடுபாட்டையும் மன நிம்மதியையும் தரும். நீண்டகாலமாகத் தீர்க்க முடியாத சொத்து தொடர்பான பிரச்சனைகளுக்குச் சுமூகமான தீர்வு கிடைக்கும். குடும்பத்தில் மகிழ்ச்சியான சூழல் நிலவும்.

புதாதித்ய யோகமானது குறிப்பிட்ட இந்த 5 ராசிக்காரர்களின் வாழ்வில் அறிவுத் திறனை வளர்ப்பதோடு, பொருளாதார வளத்தையும் சமூகத்தில் நற்பெயரையும் பெற்றுத் தரும் சக்தி வாய்ந்த யோகமாக விளங்குகிறது.