6 வயது மகள் கொடூர கொலை... பல நாட்கள் பட்டினி போட்டது பிரேத பரிசோதனையில் அம்பலம்... 2வது மனைவியுடன் தந்தை வெறிச்செயல்!

கேரள மாநிலம் கோழிக்கோடு  மாவட்டத்தில் 6 வயது சிறுமி மீது நடத்திய கொடுமைச் சம்பவத்தில், சிறுமியின் தந்தைக்கும் மாமியாருக்கும் ஆயுள் தண்டனை விதிக்கப்பட்ட நிலையில், சிறுமியின் தாயின் மரணத்தையும் சந்தேகத்தின் கண்காணையில் போலீசார் ஆய்வு மேற்கொண்டு வருகின்றனர்.

கோழிக்கோடு மாவட்டத்தைச் சேர்ந்த சுப்பிரமணியன் நம்பூதிரியும் அவரது இரண்டாவது மனைவி ரம்லா பீகம் (தேவிகா அந்தர்ஜனம்பும்) சிறுமி மீது நடத்திய கொடுமையின் காரணமாக சிறுமி 2013 ஏப்ரல் 29ம் தேதி உயிரிழந்தார். பிரேதப் பரிசோதனை அறிக்கையில், சிறுமி பலநாள் உணவு எடுக்காமல் இருந்தது உறுதியாகத் தெரிய வந்துள்ளது.

இந்த வழக்கில் கோழிக்கோடு மேல்முறையீட்டு நீதிமன்றம் குற்றவாளிகளாக சுப்பிரமணியன் நம்பூதிரி மற்றும் தேவிகா அந்தர்ஜனத்தை அறிவித்து இருவருக்கும் தலா ரூ.2 லட்சம் அபராதத்துடன் ஆயுள் தண்டனை விதித்தது.

இதற்கு முன்பாக கோழிக்கோடு கூடுதல் அமர்வு நீதிமன்றம் கொலை குற்றச்சாட்டை நீக்கி, தலா இரண்டு மற்றும் மூன்று ஆண்டுகள் சிறைத்தண்டனையே வழங்கியிருந்தது குறிப்பிடத்தக்கது. இதனை அரசு மேல்முறையீடு செய்ததைத் தொடர்ந்து, உயர்நீதிமன்றம் சிறுமியின் சகோதரனின் வாக்குமூலங்களையும், மருத்துவ ஆதாரங்களையும் கருத்தில் கொண்டு கொலைக்குற்றம் நிரூபணமானதாகத் தீர்ப்பளித்தது. நீதிபதிகள் ராஜ விஜயராகவன் மற்றும் கே.வி. ஜெயக்குமார் தலைமையிலான அமர்வு தீர்ப்பை வழங்கியது.

சிறுமி, சுப்பிரமணியன் நம்பூதிரியின் முதல் மனைவிக்குப் பிறந்தவர். அவரது முதல் மனைவி சாலை விபத்தில் உயிரிழந்த ஆறு மாதங்களுக்குப் பிறகு அவர் ரம்லா பீகத்தை (தேவிகா) என்கிற பெண்ணை இரண்டாவதாக திருமணம் செய்தார். தேவிகா முன்பு திருட்டு வழக்கில் குற்றச்சாட்டை எதிர்கொண்டவர் என்பது குறிப்பிடத்தக்கது.

சிறுமியும்,  அவரது சகோதரனுக்கும் எதிராக தேவிகா காட்டுமிராண்டித்தனமாக கொடுமைகள் செய்ததாக வழக்கில் தெரிவிக்கப்பட்டுள்ளது. சிறுமியை பசியால் வாட வைத்து அதிகளவில் வேலை செய்ய வைத்ததுடன், கொதிக்கும் நீரை உடலின் உள் பகுதிகளில் ஊற்றியதும், மருத்துவ சிகிச்சை அளிக்காமலும் இருந்ததும் உயிரிழப்புக்கு காரணமாக அமைந்தது.

இதனிடையே உள்ளூர் மக்கள் சிறுமியின் தாயின் மரணம் குறித்தும் சந்தேகம் தெரிவித்துள்ளனர். “இத்தனை கொடுமைகள் நடந்த போது யாரும் கவனிக்கவில்லையா? அந்த தாயின் மரணம் உண்மையிலேயே விபத்தா?” என நீதிபதிகள் கேள்வி எழுப்பியுள்ளனர்.

உள்ளூர் மக்கள், “நீதிமன்றம் வழங்கிய தீர்ப்பு நியாயமானது. இத்தகைய கொடுமை செய்தவர்கள் ஒருபோதும் வெளியில் வரக்கூடாது” எனக் கூறியுள்ளனர். இந்த வழக்கின் முழு பின்னணியும் மீண்டும் விசாரணைக்கு உட்படுத்தப்படும் வாய்ப்பும் தற்போது எழுந்துள்ளது.

இதையும் பிடிச்சிருந்தா படிச்சு பாருங்க

புரட்டாசி மாதத்தில் இத்தனை சிறப்புகளா? என்னென்ன வழிபாடுகள், பலன்கள் தெரியுமா?

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்

பளபளக்கும் மிருதுவான சருமத்திற்கு இதை மட்டும் செய்தாலே போதும்!!

உங்க நட்சத்திரத்துக்கு லாபம் தரும் துறை எது?