தமிழகத்தில் தங்கம் மற்றும் வெள்ளி விலைகள் அதிரடியாகக் குறைந்துள்ளன. குறிப்பாக, ஆபரணத் தங்கம் சவரனுக்கு ரூ.2,480 குறைந்திருப்பது நகை வாங்கத் திட்டமிட்டுள்ள பொதுமக்களுக்கு மகிழ்ச்சியை ஏற்படுத்தியுள்ளது.

நேற்று ஒரு சவரன் ஆபரணத் தங்கம் ரூ.1,04,320-க்கு விற்பனை செய்யப்பட்டது. இந்நிலையில், இன்று சவரனுக்கு ரூ.2,480 குறைந்து ரூ.1,01,840-க்கு விற்பனையாகிறது.அதேபோல், ஒரு கிராம் தங்கத்தின் விலை ரூ.310 குறைந்து ரூ.12,730 ஆக நிர்ணயிக்கப்பட்டுள்ளது.

தங்கத்தைத் தொடர்ந்து வெள்ளி விலையும் சரிவைக் கண்டுள்ளது. ஒரு கிராம் வெள்ளி ரூ.10 குறைந்து ரூ.200-க்கும், ஒரு கிலோ வெள்ளி ரூ.10,000 குறைந்து ரூ.2 லட்சத்துக்கும் விற்பனை செய்யப்படுகிறது.

தங்கம், வெள்ளி என இரு உலோகங்களின் விலைகளும் ஒரே நாளில் கணிசமாகக் குறைந்துள்ளதால் நகை வாங்குவோர் மற்றும் வெள்ளிப் பொருட்கள் வாங்குவோர் மகிழ்ச்சி அடைந்துள்ளனர்.