“நாட்டாமை குடும்பம்” எனப் பச்சை குத்தினால் என்னை ஈஸியா நேரடியா சந்திக்கலாம்” - நடிகர் சரத்குமார் புது யோசனை!

சென்னையில் நடைபெற்ற தனது பிறந்த நாள் விழாவில் பங்கேற்ற ரசிகர்களிடம், “நாட்டாமை குடும்பம்” எனப் பச்சை குத்திக்கொள்ளுமாறு நடிகர் சரத்குமார் அறிவுறுத்தியுள்ளார்.

நிகழ்ச்சியில் பேசிய நடிகர் சரத்குமார், தனது சிந்தனையில் திடீரெனத் தோன்றிய யோசனைதான் இந்த பச்சை குத்தும் எண்ணம் என்றும், 'நாட்டாமை குடும்பம்' எனப் பச்சை குத்திக்கொள்வது நமது குடும்ப அடையாளமாக இருக்கும் என்றும் தெரிவித்தார்.

"நாட்டாமை குடும்பம்" எனப் பச்சை குத்திக் கொள்பவர்கள் எப்போது வேண்டுமானாலும் தன்னை வந்து நேரில் சந்திக்கலாம் என்றும், தன்னைச் சந்திக்க வருவோருக்குக் கையில் இருக்கும் இந்தப் பச்சை குத்து ஒரு 'கிரீன் கார்டு' போலச் செயல்பட்டு நேரடியாகச் சந்திக்க உதவும் என்றும் அவர் கூறினார். அனைவரும் கட்டாயமாகப் பச்சை குத்த வேண்டும் என்பதில்லை என்றும், விருப்பம் உள்ள ரசிகர்கள் மட்டும் குத்திக்கொள்ளலாம் என்றும் அவர் தெளிவுபடுத்தினார்.

தான் பச்சை குத்தாததற்குக் காரணம்: தற்போது திரைப்படப் படப்பிடிப்பில் (Shooting) இருப்பதால் தான் இன்னும் பச்சை குத்திக்கொள்ளவில்லை என்றும், படப்பிடிப்பு முடிந்த பிறகு தானும் 'நாட்டாமை குடும்பம்' எனப் பச்சை குத்திக்கொள்ளப் போவதாகவும் அவர் தெரிவித்தார்.