நெதர்லாந்து நாட்டின் ஆம்ஸ்டர்டாம் நகருக்குச் சுற்றுப்பயணம் சென்றுள்ள நடிகை நிவேதா தாமஸ், அங்கிருந்த பூக்கடை ஒன்று தனது தாயாரின் நினைவுகளை எழுப்பியதாகப் பகிர்ந்துள்ள பதிவு இணையத்தில் கவனத்தைப் பெற்று வருகிறது.

ஆம்ஸ்டர்டாம் தெருக்களில் உலா வந்தபோது நிவேதா தாமஸ் ஒரு பூக்கடையைக் கடந்து சென்றுள்ளார். அங்கிருந்த மலர்களின் பிரத்யேக வண்ணக் கலவை, தனது தாயாரின் 32 ஆண்டுகள் பழமையான காஞ்சிபுரம் பட்டுப்புடவையின் நிறங்களை அப்படியே பிரதிபலித்ததாக அவர் நெகிழ்ந்துள்ளார்.

அந்நிய தேசத்தில் இருந்தாலும், தாய் மற்றும் தமிழ்நாட்டின் பாரம்பரியம் மீதான அவரது இந்த அன்பான நினைவலைப் பதிவு தற்போது சமூக வலைதளங்களில் ரசிகர்களின் கவனத்தையும் பாராட்டுகளையும் பெற்று வருகிறது.