அட்சய திருதியை என்பது செல்வம் மற்றும் செழிப்பைக் குறிக்கும் ஒரு மங்கலமான திருநாளாகும். "அட்சய" என்றால் "குறையாதது" என்று பொருள். இந்த நாளில் தொடங்கும் காரியங்களும், செய்யப்படும் முதலீடுகளும் பல மடங்கு பெருகும் என்பது ஐதீகம்.

இந்த ஆண்டு அட்சய திருதியை நாளை ஏப்ரல் 19ம் தேதி ஞாயிற்றுக்கிழமை அன்று கொண்டாடப்படுகிறது. ஏப்ரல் 19, காலை 10:49 மணிக்கு தொடங்கும் திதி ஏப்ரல் 20ம் தேதி காலை 07:27 மணிக்கு நிறைவடைகிறது. தங்கம் வாங்க உகந்த நேரமாக ஏப்ரல் 19, காலை 10:49 மணி முதல் ஏப்ரல் 20, அதிகாலை 06:14 மணி வரை அமைந்திருக்கிறது.

இந்த ஆண்டு சூரியன் மேஷ ராசியிலும், சந்திரன் ரிஷப ராசியிலும் உச்சம் பெற்று விளங்குவதால் 'அக்ஷய யோகம்' மற்றும் சுக்கிரனால் 'மாளவ்ய ராஜயோகம்' உருவாகிறது. இதன் தாக்கம் 12 ராசிகளிலும் இருந்தாலும், குறிப்பாகப் பின்வரும் ராசிகளுக்கு அதிக லாபம் கிடைக்கும்:

மேஷம்: உங்களுக்குத் தன்னம்பிக்கை அதிகரிக்கும். தொழிலில் புதிய பொறுப்புகள் கிடைக்கும். பொருளாதார ரீதியாக நல்ல முன்னேற்றம் ஏற்படும்.

ரிஷபம்: எதிர்பாராத பணவரவு உண்டு. குடும்பத்தில் மகிழ்ச்சியும், அமைதியும் நிலவும். நீங்கள் எடுக்கும் முயற்சிகள் அனைத்தும் வெற்றியடையும்.

சிம்மம்: அதிர்ஷ்டம் உங்கள் பக்கம் இருக்கும். வேலை தேடுபவர்களுக்கு நல்ல வேலை அமையும். நீண்ட நாள் ஆசைகள் நிறைவேறும்.

துலாம்: தொழிலில் நல்ல லாபம் கிடைக்கும். சிக்கியிருந்த பணம் கைக்கு வந்து சேரும். உறவுகளுக்கு இடையே இருந்த மனக்கசப்புகள் நீங்கும்.

விருச்சிகம்: உத்தியோகத்தில் இருப்பவர்களுக்குப் பதவி உயர்வு கிடைக்க வாய்ப்புள்ளது. எதிர்ப்புகள் விலகி நிம்மதி கிடைக்கும்.

மகாலட்சுமி பூஜை: காலையில் நீராடி, மகாலட்சுமி மற்றும் மகாவிஷ்ணுவை வழிபடுவது மிகுந்த பலனைத் தரும்.

இந்த நாளில் குடை, அரிசி, பருப்பு, பழங்கள் அல்லது ஆடைகளை ஏழைகளுக்குத் தானமாக வழங்குவது புண்ணியத்தைப் பெருக்கும். தங்கம் மட்டுமின்றி, வெள்ளி, நிலம் அல்லது புதிய தொழில் தொடங்குவதற்கும் இது ஏற்ற நாள்.