துபாயில் நடைபெற்ற 10-வது பெண்கள் ஆசிய கோப்பை கிரிக்கெட் போட்டியின் முதல் அரையிறுதியில் வங்கதேச அணியை வீழ்த்தி இந்திய அணி கோப்பையை வெல்லும் இறுதிப் போட்டிக்குத் தகுதி பெற்றுள்ளது.

பலமுறை சாம்பியனான வங்கதேச அணிக்கு எதிரான இப்போட்டியில் முதலில் பேட்டிங் செய்த இந்திய மகளிர் அணி, தொடக்க வீராங்கனை ஷபாலி வர்மாவின் அதிரடி ஆட்டத்தின் மூலம் நிர்ணயிக்கப்பட்ட 20 ஓவர்களில் 6 விக்கெட்டுகளை இழந்து 149 ரன்களைக் குவித்தது.

150 ரன்கள் எடுத்தால் வெற்றி என்ற இலக்கை நோக்கித் களமிறங்கிய வங்கதேச அணியை, இந்திய பந்துவீச்சாளர்கள் ஆரம்பம் முதலே கட்டுப்படுத்தினர். இதனால் அந்த அணியால் 20 ஓவர்களில் 7 விக்கெட்டுகளை இழந்து 109 ரன்கள் மட்டுமே எடுக்க முடிந்தது.

பந்துவீச்சு மற்றும் பேட்டிங் இரண்டிலும் சிறப்பான ஆட்டத்தை வெளிப்படுத்திய இந்திய அணி, வங்கதேசத்தை வீழ்த்தி பிரம்மாண்டமாக இறுதிப் போட்டிக்கு முன்னேறியுள்ளது.