ஜப்பான் நகோயாவில் நடைபெற்றுவரும் 20-வது ஆசிய விளையாட்டுப் போட்டிகளில் பதக்கங்களைக் குவித்துத் தமிழகத்திற்குப் பெருமை சேர்த்த தடகள மற்றும் கிரிக்கெட் வீரர்களுக்குச் சென்னை விமான நிலையத்தில் சிறப்பான வரவேற்பு அளிக்கப்பட்டுள்ளது.

தடகளப் போட்டிகளில் கலந்துகொண்டு முத்திரை பதித்த வித்யா, விஷால், அபிநயா, பரணிகா மற்றும் கிரிக்கெட் வீராங்கனை கமலினி ஆகியோர் நேற்று இரவு சென்னை விமானநிலையம் வந்தடைந்தனர்.

விமான நிலையம் வந்தடைந்த வீரர்களுக்குத் தமிழக அரசு சார்பில் அமைச்சர் மரிய வில்சன் மற்றும் பல்வேறு தடகள விளையாட்டு நிர்வாகிகள் மாலை அணிவித்து உற்சாக வரவேற்பு அளித்தனர்.

சர்வதேச அரங்கில் பதக்கம் வென்று தமிழகத்திற்கும் நாட்டிற்கும் பெருமை சேர்த்த இந்த வீரர்களுக்குத் தமிழக முதல்வர் விஜய் ஏற்கெனவே சிறப்பு ஊக்கத்தொகையை அறிவித்திருந்தது குறிப்பிடத்தக்கது.