அஸ்ஸாமில் கரைபுரண்டோடும் வெள்ளம்...  800 கிராமங்கள் மூழ்கின - உயிரிழப்பு 68 ஆக உயர்வு!  

அசாம் மாநிலத்தில் கடந்த சில நாட்களாகக் பெய்து வரும் தொடர் கனமழை காரணமாகப் பேரழிவு நிலவி வருகிறது. மழையால் ஆறுகளில் வெள்ளப்பெருக்கு ஏற்பட்டு, மாநிலத்தின் பல்வேறு பகுதிகள் நீரில் மூழ்கிப் பெரும் பாதிப்பைச் சந்தித்துள்ளன. இதுவரை சுமார் 800 கிராமங்கள் வெள்ள நீரில் முற்றிலும் மூழ்கியுள்ளதாகத் தகவல்கள் வெளியாகியுள்ளன. கிராமங்களுக்குள் வெள்ளம் புகுந்ததால் மக்களின் இயல்பு வாழ்க்கை முற்றிலுமாக முடங்கிப் போயுள்ளது.

இந்தக் கோர வெள்ளப்பெருக்கில் சிக்கி இதுவரை 68 பேர் பரிதாபமாக உயிரிழந்துள்ளதாக மாநில அரசு அதிகாரப்பூர்வமாகத் தெரிவித்துள்ளது. மேலும் மாநிலம் முழுவதும் சுமார் 5.24 லட்சம் மக்கள் வெள்ளப் பாதிப்பால் பெருமளவில் பாதிக்கப்பட்டுத் தவித்து வருகின்றனர். வீடுகளை இழந்து நிற்கும் மக்கள் பாதுகாப்பு முகாம்களிலும், உயரமான பகுதிகளிலும் தஞ்சம் அடைந்துள்ளனர். பாதிக்கப்பட்ட மக்களுக்குத் தேவையான உணவு, குடிநீர் உள்ளிட்ட அத்தியாவசியப் பொருட்களை வழங்கும் பணிகள் முழுவீச்சில் நடைபெற்று வருகின்றன.

வெள்ளம் சூழ்ந்த பகுதிகளில் தேசிய மற்றும் மாநில பேரிடர் மீட்புக் குழுவினர் தீவிர மீட்புப் பணிகளில் ஈடுபட்டு வருகின்றனர். படகு மூலம் வெள்ளத்தில் சிக்கியவர்களைப் பாதுகாப்பான இடங்களுக்கு அழைத்துச் செல்லும் பணிகள் துரிதப்படுத்தப்பட்டுள்ளன. பாதிக்கப்பட்ட பகுதிகளுக்கு மருத்துவக் குழுவினரும் அனுப்பி வைக்கப்பட்டுச் சுகாதாரப் பணிகள் தீவிரமாகக் கண்காணிக்கப்பட்டு வருகின்றன.