துபாயில் இருந்து இஸ்ரேல் நோக்கிச் சென்ற விமானத்தை வானிலேயே கவிழ்த்துத் தற்கொலைத் தாக்குதல் நடத்த முயன்ற ஓமன் நாட்டைச் சேர்ந்த துணை விமானியிடம் நடத்தப்பட்ட விசாரணையில் பல அதிர்ச்சிகரமான தகவல்கள் வெளியாகியுள்ளன. இந்தியத் தலைமை விமானியின் சாதுரியத்தாலும், சக பயணிகளின் துணிச்சலாலும் பெரும் பேரழிவு தடிக்கப்பட்ட நிலையில், கைதான துணை விமானிக்குத் தடை விதிக்கப்பட்டிருந்தும் அவர் எவ்வாறு பணியில் தொடர்ந்தார் என்பது குறித்துத் தீவிர விசாரணை முடக்கப்பட்டுள்ளது.

துபாயிலிருந்து இஸ்ரேல் தலைநகர் டெல் அவிவ் நோக்கி எமிரேட்ஸ் ஏர்லைன்சின் 'பிளைதுபாய்' போயிங் ரக விமானம் கடந்த புதன்கிழமை புறப்பட்டது. இத்தொடர் விமானத்தில் 27 குழந்தைகள் உட்பட 174 இஸ்ரேலிய பயணிகள் மற்றும் பணியாளர்கள் என மொத்தம் 180-க்கும் மேற்பட்டோர் பயணம் செய்தனர். இந்தியாவைச் சேர்ந்த தலைமை கேப்டன் ஸ்மித் மச்சார் மற்றும் ஓமனைச் சேர்ந்த துணை விமானி ஆகியோர் விமானத்தை இயக்கி வந்தனர்.

விமானம் ஜோர்டான் வான்பரப்பில் 33,ராம ஆயிரம் அடி உயரத்தில் பறந்து கொண்டிருந்தபோது, துணை விமானி திடீரென மறைத்து வைத்திருந்த சிறிய கத்தியால் தலைமை கேப்டன் ஸ்மித் மச்சாரைக் கடுமையாகத் தாக்கினார். ரத்த வெள்ளத்தில் சரிந்த கேப்டனிடமிருந்து கட்டுப்பாட்டைக் கைப்பற்றிய அவர், விமானத்தைத் தரையில் மோதி வெடிக்கச் செய்யும் நோக்கத்துடன் வெறும் 30 விநாடிகளுக்குள் 14 ஆயிரம் அடி உயரத்திற்குச் செங்குத்தாகக் கீழ்நோக்கி இயக்கினார். இதனால் பயணிகளும் பணியாளர்களும் மரண பயத்தில் அலறினர்.

பலத்த காயங்களுக்கு நடுவேயும் கேப்டன் ஸ்மித் மச்சார் துணை விமானியுடன் போராடினார். உடனடியாக இஸ்ரேலிய ராணுவ வீரர்கள் மற்றும் சக விமானிகள் காக்பிட் கதவை உடைத்து உள்ளே நுழைந்து அந்தத் துணை விமானியை மடக்கிப் பிடித்துக் கயிற்றால் கட்டிப் போட்டனர். பின்னர் விமானம் சவுதி அரேபியாவின் தபூக் விமான நிலையத்தில் பத்திரமாகத் தரையிறக்கப்பட்டது.

கைதான ஓமன் நாட்டுத் துணை விமானியிடம் இஸ்ரேல் மற்றும் சர்வதேச பாதுகாப்பு முகமைகள் நடத்திய தீவிர விசாரணையில் பல உண்மைகள் அம்பலமாகியுள்ளன. துணை விமானி தீவிரவாத அமைப்பான அல் கொய்தாவின் தீவிரக் கொள்கைகளுக்கு ஆட்பட்டிருப்பதும், மதத் தலைவர்கள் நடத்திய இரகசியக் கூட்டங்களில் கலந்துகொண்டதும் விசாரணையில் தெரியவந்துள்ளது.

இதற்கு முன்பு அவருக்கு விமானத்தில் பறக்கத் தடை விதிக்கப்பட்டிருந்தது. ஓமனுக்குச் செல்ல வேண்டிய அவர், இடையில் சிரியாவிலேயே பல நாட்கள் தங்கியிருந்து பயங்கரவாதிகளுடன் நேரடித் தொடர்பை ஏற்படுத்திக் கொண்டுள்ளளார். சிரியாவில் பயங்கரவாதிகளின் கட்டுப்பாட்டில் வளர்ந்த அவர், இஸ்ரேல் பயணிகள் மீது கொண்ட வன்மத்தின் காரணமாகவே இந்தத் தற்கொலைத் தாக்குதல் சதியில் ஈடுபட்டுள்ளார் என்பது உறுதிப்படுத்தப்பட்டுள்ளது. இந்திய விமானி ஸ்மித் மச்சாரின் துணிச்சலும், பயணிகளின் விழிப்புணர்வும் நூழிலையில் ஒரு மாபெரும் விமான விபத்தைத் தடுத்துள்ளமை குறிப்பிடத்தக்கது.