இன்று வங்கி வேலைநிறுத்தம்... ATM, UPI வேலை செய்யுமா? எந்த சேவைகள் பாதிக்கப்படும்?

பல்வேறு கோரிக்கைகளை வலியுறுத்தி, வங்கி ஊழியர்களின் சம்மேளனமான ஐக்கிய வங்கி ஊழியர்களின் கூட்டமைப்பு (UFBU) சார்பில் நாடு முழுவதும் இன்று (செப்டம்பர் 11) ஒருநாள் வேலைநிறுத்தப் போராட்டம் அறிவிக்கப்பட்டு நடைபெற்று வருகிறது.

முக்கியக் கோரிக்கைகள்

• 5 நாட்கள் வேலை: வாரத்தில் 5 நாட்கள் மட்டுமே வங்கி வேலை நாளாக அறிவிக்கப்பட வேண்டும் என்பது ஊழியர்களின் நீண்ட நாள் கோரிக்கையாகும்.

• செயல்திறன் சார்ந்த ஊக்கத்தொகை (PLI): மத்திய நிதியமைச்சகம் கொண்டுவந்த திருத்தப்பட்ட செயல்திறன் ஊக்கத்தொகை திட்டத்தை மறுபரிசீலனை செய்ய வேண்டும்.

• மேலும், ஓய்வூதியத் தொடர்பான இதர நிலுவைக் கோரிக்கைகளையும் unions வலியுறுத்தி வருகின்றன.

எந்தெந்த சேவைகள் பாதிக்கப்படும்?

இந்த வேலைநிறுத்தப் போராட்டம் காரணமாகப் பொதுத்துறை வங்கிகளில் கிளைச் செயல்பாடுகள் மற்றும் வாடிக்கையாளர் சேவைகள் கடுமையாகப் பாதிக்கப்பட வாய்ப்புள்ளன.

• நேரடியாகப் பாதிக்கப்படக்கூடியவை: காசோலை (Cheque) பரிவர்த்தனைகள், பணம் செலுத்துவது மற்றும் பெறுவது, கணக்குப் புத்தகம் (Passbook) புதுப்பித்தல், லாக்கர் வசதிகள், புதிய கணக்குகள் தொடங்குதல் மற்றும் கேஒய்சி (KYC) தொடர்பான பணிகள் முடங்கலாம்.

• பாதிக்கப்படாத சேவைகள்: வழக்கமான டிஜிட்டல் பரிவர்த்தனைகளான யுபிஐ (UPI), மொபைல் பேங்கிங் (Mobile Banking), இன்டர்நெட் பேங்கிங் (Internet Banking) மற்றும் ஏடிஎம் (ATM) சேவைகள் வழக்கம்போலச் செயல்படும். எனினும், ஏடிஎம் மையங்களில் பணம் நிரப்புவதில் சில தாமதங்கள் ஏற்படக்கூடும்.

இன்றைய வேலைநிறுத்தத்தைத் தொடர்ந்து, வரும் செப்டம்பர் 28 முதல் 30 வரை மூன்று நாட்கள் தொடர் வேலைநிறுத்தப் போராட்டத்திற்கும் வங்கிச் சங்கங்கள் அழைப்பு விடுத்துள்ளன.