வருகிற ஜூலை மாதத்தில் வாராந்திர விடுமுறைகள் மற்றும் பல்வேறு மாநில பண்டிகைகளுக்கான உள்ளூர் விடுமுறைகள் என மொத்தம் 12 நாட்கள் வங்கிகள் செயல்படாது என்று இந்திய ரிசர்வ் வங்கியின்  விடுமுறைப் பட்டியலின்படி தெரிய வந்துள்ளது. இதனால் வாடிக்கையாளர்கள் தங்களது வங்கி சார்ந்த பணிகளை முன்கூட்டியே திட்டமிட்டுக் கொள்ளுமாறு அறிவுறுத்தப்படுகிறார்கள்.

ஒவ்வொரு மாதமும் ஞாயிற்றுக்கிழமைகள் மற்றும் இரண்டு சனிக்கிழமைகள் வங்கிகளுக்குப் பொதுவான விடுமுறை நாட்களாகும். அதனுடன் சேர்த்து அந்தந்த மாநில கலாச்சாரப் பண்டிகைகளுக்கான விடுமுறைகளும் இதில் அடங்கும்.

ஜூலை மாதத்தில் வரும் அனைத்து ஞாயிற்றுக்கிழமைகள், மற்றும் 2-ஆவது, 4-ஆவது சனிக்கிழமைகள் ஆகிய நாட்களில் நாடு முழுவதும் உள்ள அனைத்து வங்கிக் கிளைகளும் மூடப்பட்டிருக்கும். குறிப்பிட்ட மாநிலங்களின் பிராந்திய திருவிழாக்கள் மற்றும் உள்ளூர் விசேஷங்களை முன்னிட்டு, அந்தந்த மாநிலங்களில் மட்டும் கூடுதல் நாட்கள் உள்ளூர் விடுமுறை அளிக்கப்படும்.

வங்கிகளுக்குத் தொடர் விடுமுறைகள் வரும் பட்சத்தில், நேரடியாகக் கிளைகளுக்குச் சென்று மேற்கொள்ள வேண்டிய சில முக்கிய நிதிச் சேவைகள் தற்காலிகமாகப் பாதிக்கப்படலாம். வங்கிக் கிளைகள் மூடப்பட்டிருப்பதால், காசோலை டெபாசிட் செய்தல், நேரில் சென்று கேஒய்சி ஆவணங்களைச் சமர்ப்பித்தல், கணக்குத் தொடங்குதல் மற்றும் பெரிய அளவிலான பணப் பரிவர்த்தனைகள் போன்ற சேவைகளை வாடிக்கையாளர்கள் அந்த நாட்களில் மேற்கொள்ள முடியாது.

வங்கிக் கிளைகள் மூடப்பட்டிருந்தாலும், வாடிக்கையாளர்களின் அவசரத் தேவைகளுக்கான மாற்று டிஜிட்டல் வழிமுறைகள் எந்தவிதத் தடையுமின்றி 24 மணி நேரமும் வழக்கம்போல் இயங்கும் எனத் தெரிவிக்கப்பட்டுள்ளது. ஏடிஎம் மையங்கள், மொபைல் பேங்கிங் , இணைய வழி வங்கிச் சேவை மற்றும் யுபிஐ போன்ற அனைத்து ஆன்லைன் பணப் பரிவர்த்தனை சேவைகளும் தடையின்றிச் செயல்படும்.

எனவே, ஜூலை மாதத்தில் வங்கிக் கிளைகளுக்கு நேரில் சென்று செய்ய வேண்டிய அத்தியாவசியப் பணிகள் ஏதேனும் இருந்தால், வாடிக்கையாளர்கள் இந்த விடுமுறைப் பட்டியலைக் கருத்தில் கொண்டு தங்களது பணிகளை முன்கூட்டியே திட்டமிட்டு முடித்துக் கொள்ளுமாறு நிபுணர்கள் கேட்டுக்கொண்டுள்ளனர்.