டிராக்டர் மீது மோட்டார் சைக்கிள் மோதி 2 இளைஞர்கள் சம்பவ இடத்திலேயே பலி!!

உத்திரப்பிரதேசம் மாநிலம் பரூக்காபாத் மாவட்டத்தைச் சேர்ந்த முனிஷ் என்ற 22 வயது இளைஞர், தனது தங்கையின் திருமண ஊர்வலத்தில் கலந்து கொள்வதற்காகக் குடும்பத்துடன் தாத்தா கிராமத்திற்குச் சென்றுள்ளார். அங்குத் திருமணத்திற்குத் தேவையான சில முக்கியப் பொருட்களை வாங்குவதற்காக, முனிஷ் தனது 18 வயது உறவினரான புருஷோத்தம் மற்றும் கிராமவாசியான 18 வயது ஷ்யாம் சிங் ஆகியோருடன் ஒரே மோட்டார் சைக்கிளில் உஷைத் பகுதிக்குச் சென்றுள்ளனர். திருமணப் பொருட்களை வாங்கிக்கொண்டு அவர்கள் படான் மாவட்டத்தில் உள்ள கடர்சௌக் சாலையில் இரவு 11.30 மணியளவில் வந்து கொண்டிருந்த போது விபத்து நேரிட்டுள்ளது.

அப்போது அவர்கள் வந்த மோட்டார் சைக்கிள் திடீரெனக் கட்டுப்பாட்டை இழந்து, சாலையோரமாக நின்று கொண்டிருந்த டிராக்டர் டப்ளான் மீது மிகக் கொடூரமாக மோதியுள்ளது. இந்த அதிபயங்கர மோதலின் தாக்கத்தால் முனிஷ் மற்றும் புருஷோத்தம் ஆகிய இருவருக்கும் தலையில் பலத்த காயம் ஏற்பட்டு, ரத்த வெள்ளத்தில் சம்பவ இடத்திலேயே பரிதாபமாக உயிரிழந்தனர். இவர்களுடன் பயணித்த ஷ்யாம் சிங் என்ற இளைஞர் உடலில் பலத்த காயங்களுடன் உயிருக்குப் போராடியுள்ளார். இச்சம்பவத்தைக் கண்டு அதிர்ச்சியடைந்த பின்னால் வந்த உறவினர்கள் உடனடியாக உஷைத் காவல் நிலையத்திற்குத் தகவல் தெரிவித்தனர்.

தகவலறிந்து சம்பவ இடத்திற்கு விரைந்து வந்த போலிசார், காயமடைந்த ஷ்யாம் சிங்கை மீட்டுச் சிகிச்சைக்காக அருகில் உள்ள மருத்துவமனைக்கு அனுப்பி வைத்தனர். மேலும் விபத்தில் பலியான முனிஷ் மற்றும் புருஷோத்தம் ஆகிய இருவரின் உடல்களையும் போலிசார் முறைப்படி மீட்டுப் பிரேத பரிசோதனைக்காக அரசு மருத்துவமனைக்கு அனுப்பி வைத்தனர்.