தமிழகக் கடலோரப் பகுதிகளில் கீழ்மட்ட வளிமண்டலத்தில் நிலவும் பலவீனமான காற்றழுத்தத் தாழ்வுப் பாதை காரணமாக இன்று சென்னை உள்ளிட்ட பல மாவட்டங்களில் மழை பெய்ய வாய்ப்புள்ளதாக வானிலை ஆய்வு மையம் தெரிவித்துள்ளது.

செங்கல்பட்டு VIT பகுதியில் அதிகபட்சமாக 6 செ.மீ. மழை பதிவாகியுள்ளது. விழுப்புரம் மாவட்டம் திண்டிவனம், சென்னை சோழிங்கநல்லூர் மற்றும் ராணிப்பேட்டை ஆகிய பகுதிகளில் தலா 3 செ.மீ. மழை பதிவாகியுள்ளது.

இன்று (ஆகஸ்ட் 23) சென்னை, செங்கல்பட்டு, திருவள்ளூர், காஞ்சிபுரம், ராணிப்பேட்டை, வேலூர், திருவண்ணாமலை, விழுப்புரம், கள்ளக்குறிச்சி, கடலூர் மற்றும் மேற்குத் தொடர்ச்சி மலை மாவட்டங்களில் இடி, மின்னலுடன் கூடிய லேசான மழைக்கு வாய்ப்புள்ளது.

நாளை (ஆகஸ்ட் 24): நீலகிரி மாவட்டம் மற்றும் கோவை மாவட்ட மலைப்பகுதிகளில் இடி, மின்னலுடன் கனமழை பெய்ய வாய்ப்புள்ளது. சென்னை உள்ளிட்ட இதர வட மாவட்டங்கள் மற்றும் தென் மாவட்டங்களில் லேசான மழை தொடரும்.

ஜூன் 1 முதல் ஆகஸ்ட் 22 வரையிலான காலக்கட்டத்தில் தமிழகத்தில் இயல்பான அளவான 18 செ.மீ-க்கு பதிலாக 15 செ.மீ மட்டுமே மழை பெய்துள்ளது. இது வழக்கமான அளவை விட 17 சதவீதம் குறைவு என்பது குறிப்பிடத்தக்கது.