வடக்கு விதர்பா பகுதியில் நிலவும் வளிமண்டல சுழற்சி மற்றும் மன்னார் வளைகுடா வரை நீடிக்கும் காற்றழுத்த தாழ்வுப் பாதை காரணமாக, தமிழகத்தில் இன்று பல்வேறு மாவட்டங்களில் மழை பெய்யக்கூடும் எனச் சென்னை வானிலை மையம் எச்சரித்துள்ளது.

மேற்குத் தொடர்ச்சி மலை மற்றும் கொங்கு மாவட்டங்களான நீலகிரி, கோயம்புத்தூர், தேனி, திண்டுக்கல், ஈரோடு, சேலம், தர்மபுரி மற்றும் கிருஷ்ணகிரி மாவட்டங்களில் கனமழை பெய்ய வாய்ப்புள்ளது.

மத்திய மற்றும் டெல்டா மாவட்டங்களான திருப்பத்தூர், திருச்சி, பெரம்பலூர், அரியலூர், தஞ்சாவூர், திருவாரூர் மற்றும் மயிலாடுதுறை ஆகிய மாவட்டங்களும் இந்த மழையின் தாக்கத்திற்கு உட்படும். கடலூர் மாவட்டத்திலும் இன்று கனமழை பெய்வதற்கான சாத்தியக்கூறுகள் உள்ளதாக வானிலை ஆய்வு மையம் தெரிவித்துள்ளது.