சாலையோரம் நின்ற பேருந்து மீது மற்றொரு பேருந்து மோதி 17 பேர் பரிதாப பலி!

பாகிஸ்தானில் உள்ள மர்தான் மாவட்டத்தில் இன்று அதிகாலையில் பயணிகள் பேருந்து ஒன்று நெடுஞ்சாலையில் அசுர வேகத்தில் சென்று கொண்டிருந்தது. அப்போது அந்தப் பகுதியில் எதிர்பாராத விதமாக ஏற்பட்ட ஒரு இயந்திரக் கோளாறு காரணமாக, அந்தப் பேருந்தானது டிரைவரால் சாலையின் ஓரமாகப் பாதுகாப்பாக நிறுத்தி வைக்கப்பட்டு இருந்தது. இந்தச் சூழலில், அதே சாலையின் வழியே அதிவேகமாக வந்த மற்றொரு பயணிகள் பேருந்து, நிலைதடுமாறி சாலையோரம் நின்று கொண்டிருந்த பேருந்தின் பின்புறத்தில் மிகக் கொடூரமாக மோதி விபத்துக்குள்ளானது.

இந்த பயங்கர மோதலின்  காரணமாக இரண்டு பேருந்துகளும் பலத்த சேதமடைந்ததோடு, உள்ளே இருந்த பயணிகள் அனைவரும் இடிபாடுகளுக்குள் சிக்கி அலறினர். இந்த மிகக் கொடூரமான விபத்தில், பேருந்துகளில் பயணம் செய்த 17 பயணிகள் சம்பவ இடத்திலேயே உடல் நசுங்கிப் பரிதாபமாக உயிரிழந்தனர். இச்சம்பவம் அப்பகுதியில் பெரும் சோக அலையை ஏற்படுத்தியுள்ளது. மேலும், இந்த விபத்தில் சிக்கிய 5 பயணிகள் பலத்த காயங்களுடன் உயிருக்குத் போராடிக் கொண்டிருப்பதாகத் தகவல் வெளியாகியுள்ளது.

 உள்ளூர் மக்கள் இந்தத் தகவல் அறிந்ததும்  அவர்கள் உடனடியாக மீட்புக் குழுவினர் மற்றும் காவல்துறையினருக்கு அவசரத் தகவல் கொடுத்தனர். சம்பவ இடத்திற்கு விரைந்து வந்த மீட்புப் படையினர், இடிபாடுகளில் சிக்கிக் கிடந்தவர்களை மீட்டு அருகில் உள்ள அரசு மருத்துவமனைக்குச் சிகிச்சைக்காக அனுப்பி வைத்தனர். இந்த கோர விபத்து குறித்துப் பாகிஸ்தான் போலீசார் தற்போது வழக்குப் பதிவு செய்து, விபத்துக்கான காரணம் குறித்துத் தீவிர விசாரணை நடத்தி வருகின்றனர்.