கட்டுப்பாட்டை இழந்து வயலுக்குள் இறங்கிய அரசுப் பேருந்து...  20 பயணிகள் படுகாயம்!

நாமக்கல் மாவட்டம் குமாரபாளையம் அருகே அரசு பேருந்து ஒன்று நேற்று ஓட்டுநரின் கட்டுப்பாட்டை இழந்து, சாலையோரம் இருந்த பள்ளத்தில் பாய்ந்து வயலுக்குள் கவிழ்ந்து விபத்துக்குள்ளானது. இந்த கோர விபத்தில் பேருந்தில் பயணம் செய்த 20-க்கும் மேற்பட்ட பயணிகள் படுகாயமடைந்தனர்.

விபத்து நடந்த சத்தம் கேட்டு ஓடிவந்த அந்த பகுதி பொதுமக்கள், இடிபாடுகளுக்குள் சிக்கியிருந்த பயணிகளை மீட்கும் பணியில் ஈடுபட்டனர். உடனடியாக ஆம்புலன்ஸ் மற்றும் போலீசாருக்கு தகவல் தெரிவிக்கப்பட்டது. சம்பவ இடத்திற்கு விரைந்து வந்த போலீசார், பொதுமக்களின் உதவியோடு காயமடைந்தவர்களை மீட்டு சிகிச்சைக்காக அருகில் உள்ள அரசு மருத்துவமனைக்கு அனுப்பி வைத்தனர்.

மருத்துவமனையில் அனுமதிக்கப்பட்டவர்களில் சிலரது நிலைமை கவலைக்கிடமாக இருப்பதாகக் கூறப்படுகிறது. அங்கு அவர்களுக்கு தீவிர சிகிச்சை அளிக்கப்பட்டு வருகிறது. இந்த விபத்து குறித்து போலீசார் வழக்குப்பதிவு செய்து, ஓட்டுநரின் கவனக்குறைவால் விபத்து நடந்ததா அல்லது பேருந்தில் ஏதேனும் தொழில்நுட்பக் கோளாறு ஏற்பட்டதா என்பது குறித்து தீவிர விசாரணை நடத்தி வருகின்றனர்.