கனடா ஓபன் டென்னிஸ்: ஒசாகாவை வீழ்த்தி ரைபகினா அரையிறுதிக்குத் தகுதி!

கனடாவின் டொராண்டோ நகரில் நடைபெற்று வரும் மகளிருக்கான ‘கனடா ஓபன்’ டென்னிஸ் தொடரின் காலிறுதிச் சுற்றில் ஜப்பான் வீராங்கனை நவோமி ஒசாகாவை வீழ்த்தி, கஜகஸ்தானின் எலினா ரைபகினா அரையிறுதிக்குச் முன்னேறியுள்ளார்.

முன்னாள் முதன்மை வீராங்கனையான நவோமி ஒசாகாவுடன் மோதிய காலிறுதி ஆட்டத்தில் ரைபகினா 4-6, 7-6 (7-5), 6-4 என்ற செட் கணக்கில் போராடி வெற்றி பெற்றார். 2 மணி நேரத்திற்கும் மேலாக (2 மணி 33 நிமிடங்கள்) நீடித்த இந்த ஆட்டத்தில் முதல் செட்டை இழந்த போதிலும், அடுத்தடுத்த செட்களைக் கைப்பற்றி ரைபகினா அபாரத் திருப்புமுனை அளித்தார். மற்றொரு காலிறுதி ஆட்டத்தில் விளையாடவிருந்த சுவிட்சர்லாந்தின் பெலின்டா பென்சிச், இடுப்புப் பகுதியில் ஏற்பட்ட காயம் காரணமாகக் கடைசி நேரத்தில் போட்டியில் இருந்து விலகினார்.

இதனால் அமெரிக்காவின் முன்னணி வீராங்கனையான கோகோ காப் களம் காணாமலேயே நேரடியாக அரையிறுதிக்கு முன்னேறினார். இதனைத் தொடர்ந்து நடைபெறவுள்ள அரையிறுதி ஆட்டத்தில் எலினா ரைபகினா மற்றும் கோகோ காப் ஆகியோர் நேருக்கு நேர் மோதவுள்ளனர்.