BREAKING... வாட்டாள் நாகராஜ்  திடீர் கைது... காவிரி நீர் திறப்புக்கு எதிர்ப்பு ... கர்நாடகாவில் பெரும் பதற்றம்! 

காவிரி நதிநீர் பங்கீடு விவகாரத்தில் தமிழ்நாடு மற்றும் கர்நாடகா இடையே பல ஆண்டுகளாகத் தொடர் சிக்கல் நீடித்து வருகிறது. உச்ச நீதிமன்றத்தின் உத்தரவுப்படி தமிழகத்திற்கு உரிய நீர் கிடைப்பதை உறுதி செய்யக் காவிரி மேலாண்மை ஆணையம் அமைக்கப்பட்டது. அத்துடன் நதிநீர் பகிர்வை முறைப்படுத்தக் காவிரி நீர் முறைப்படுத்தும் குழுவும் அமைக்கப்பட்டு இயங்கி வருகிறது. டெல்லியில் நடைபெற்ற இக்குழுவின் கூட்டத்தில் தமிழ்நாட்டிற்கு நாளொன்றுக்கு 3,500 கன அடி வீதம் தண்ணீர் திறக்க உத்தரவிடப்பட்டது.

முறைப்படுத்தும் குழுவின் உத்தரவுப்படி 15 நாட்களுக்குத் தண்ணீரைத் திறந்து விடுமாறு கர்நாடக அரசுக்கு அறிவுறுத்தப்பட்டது. ஆனால் உத்தரவு பிறப்பிக்கப்பட்ட போதிலும் தமிழகத்திற்குக் காவிரியில் இருந்து தண்ணீரைத் திறந்துவிடாமல் அம்மாநில அரசு தாமதித்தது. இதனிடையே தமிழ்நாட்டிற்குத் தண்ணீர் திறந்துவிடக் கூடாது என வலியுறுத்திக் கன்னட அமைப்பினர் போராட்டத்தில் குதித்தனர். கன்னட சாலுவாலி வாட்டாள் பக்ஷா அமைப்பின் தலைவர் வாட்டாள் நாகராஜ் தலைமையில் கன்னட தன்னார்வலர்கள் திரண்டு ஆர்ப்பாட்டம் நடத்தினர்.

காவிரி ஆற்று நீரைக் கண்டித்து வீதிகளில் இறங்கிப் போராட்டத்தில் ஈடுபட்ட கன்னட போராட்டக்காரர்களால் அப்பகுதியில் பெரும் பரபரப்பு ஏற்பட்டது. அங்கிருந்த காவல்துறையினர் தடையை மீறி ஆர்ப்பாட்டம் செய்த வாட்டாள் நாகராஜ் உள்ளிட்ட முக்கியத் தலைவர்களைச் சுற்றி வளைத்தனர். அவர்கள் அனைவரையும் காவல்துறையினர் உடனடியாகக் கைது செய்து காவல் வாகனங்களில் ஏற்றி அழைத்துச் சென்றனர். காவிரி விவகாரத்தில் கர்நாடகாவில் போராட்டம் வெடிப்பதும் தலைவர்கள் கைது செய்யப்படுவதும் இரு மாநில எல்லையில் பதற்றத்தை ஏற்படுத்தியுள்ளது.