இன்று நாடெங்கும் விமரிசையாகக் கொண்டாடப்படும் விநாயகர் சதுர்த்தி விழாவை முன்னிட்டு, பிள்ளையார் மிகவும் விரும்பும் கொழுக்கட்டைகளில் பல சுவையான வகைகளை எளிதாகத் தயாரிப்பது எப்படி என்று பார்க்கலாம். இன்று விநாயகரைப் படைக்க கொழுக்கட்டை செய்யும் போது, விதவிதமாக 20 வகையான கொழுக்கட்டையை செய்து அசத்துங்க. பிள்ளையாரை சந்தோஷப்படுத்தியது போலவே உங்கள் குடும்பத்தாருக்கும் இது திடீர் சர்ப்ரைஸாக இருக்கும். எல்லாமே ரொம்பவே ஈஸியான ரெஸிப்பி தான். 

1. வெல்லப் பூரண கொழுக்கட்டை

தேவையான பொருட்கள்: அரிசி மாவு - 1 கப், வெல்லம் - ¾ கப், தேங்காய் துருவல் - ½ கப், ஏலக்காய் - 2, நெய் - 1 டீஸ்பூன், உப்பு - ஒரு சிட்டிகை.

செய்முறை: பாத்திரத்தில் வெல்லம் மற்றும் சிறிதளவு தண்ணீர் சேர்த்துப் பாகு காய்ச்சவும். பாகு கெட்டியாகும் போது தேங்காய் துருவல், ஏலக்காய் பொடி சேர்த்துச் கிளறி பூரணம் தயாரிக்கவும். அரிசி மாவில் உப்பு, சூடான வெந்நீர் சேர்த்துப் பிசைந்து, சிறு உருண்டைகளாக உருட்டித் தட்டி, நடுவில் பூரணம் வைத்து மூடி இட்லி பாத்திரத்தில் 15 நிமிடங்கள் ஆவியில் வேகவைத்து எடுக்கவும்.

2. மிளகு கொழுக்கட்டை

தேவையான பொருட்கள்: அரிசி மாவு - 1 கப், மிளகு - 1 டீஸ்பூன், சீரகம் - 1 டீஸ்பூன், தேங்காய் துருவல் - ¼ கப், உப்பு - ஒரு சிட்டிகை.

செய்முறை: மிளகு மற்றும் சீரகத்தை லேசாக வறுத்துப் பொடியாக்கவும். இதனைத் தேங்காய் துருவலுடன் சேர்த்து, அரிசி மாவு மற்றும் சூடான வெந்நீர் கொண்டு பிசைந்து உருண்டைகளாகப் பிடித்து ஆவியில் வேகவிடவும்.

3. வாழைப்பழம் கொழுக்கட்டை

தேவையான பொருட்கள்: அரிசி மாவு - 1 கப், பழுத்த வாழைப்பழம் - 2, வெல்லம் - ½ கப், தேங்காய் துருவல் - ¼ கப், ஏலக்காய் - 2.

செய்முறை: வாழைப்பழத்தை நன்றாக மசித்து, அதனுடன் பொடித்த வெல்லம், தேங்காய் துருவல், ஏலக்காய் மற்றும் அரிசி மாவைச் சேர்த்துப் பிசைந்து சிறு உருண்டைகளாகப் பிடித்து ஆவியில் வேகவைக்கவும்.

4. பாசிப்பருப்பு காரக் கொழுக்கட்டை

தேவையான பொருட்கள்: அரிசி மாவு - 1 கப், பாசிப்பருப்பு - ½ கப், தேங்காய் துருவல் - ¼ கப், பச்சை மிளகாய் - 2, உப்பு - தேவையான அளவு.

செய்முறை: பாசிப்பருப்பைக் குக்கரில் வைத்து 3 விசில் விட்டு வேகவைத்து எடுக்கவும். அத்துடன் தேங்காய் துருவல், அரைத்த பச்சை மிளகாய், உப்பு சேர்த்துப் பிசைந்து கொள்ளவும். அரிசி மாவைச் சூடான வெந்நீரில் பிசைந்து, பூரணம் வைத்து மூடி ஆவியில் வேகவிடவும்.

5. தேங்காய் பூரண கொழுக்கட்டை

தேவையான பொருட்கள்: அரிசி மாவு - 1 கப், தேங்காய் துருவல் - 1 கப், வெல்லம் - ¾ கப், ஏலக்காய் - 2.

செய்முறை: வாணலியில் தேங்காய் துருவல் மற்றும் பொடித்த வெல்லத்தை ஈரம் போகும் வரை கிளறி, ஏலக்காய் பொடி தூவிப் பூரணம் தயார் செய்யவும். அரிசி மாவை வெந்நீர் விட்டுப் பிசைந்து, பூரணம் வைத்து கொழுக்கட்டையாக ஆவியில் வேகவைக்கவும்.

6. கடலைப்பருப்பு பூரண கொழுக்கட்டை

தேவையான பொருட்கள்: அரிசி மாவு - 1 கப், கடலைப்பருப்பு - ½ கப், வெல்லம் - ¾ கப், தேங்காய் துருவல் - ¼ கப்.

செய்முறை: கடலைப்பருப்பை வேகவைத்து, அதனுடன் பொடித்த வெல்லம் மற்றும் தேங்காய் துருவல் சேர்த்துப் பூரணம் தயாரிக்கவும். பின் அரிசி மாவு மாவில் பிசைந்து கொழுக்கட்டை செய்யவும்.

7. கருப்பட்டி பூரண கொழுக்கட்டை

தேவையான பொருட்கள்: அரிசி மாவு - 1 கப், கருப்பட்டி - ¾ கப், தேங்காய் துருவல் - ½ கப், ஏலக்காய் - 2.

செய்முறை: கருப்பட்டியைச் சிறிய துண்டுகளாக உடைத்துத் தண்ணீர் ஊற்றிப் பாகு காய்ச்சவும். இதனுடன் தேங்காய் துருவல், ஏலக்காய் சேர்த்துப் பூரணம் செய்து, அரிசி மாவு மாவில் பிசைந்து வேகவைக்கவும்.

8. அவல் கொழுக்கட்டை

தேவையான பொருட்கள்: அவல் - 1 கப், அரிசி மாவு - ½ கப், தேங்காய் துருவல் - ¼ கப், வெல்லம் - ½ கப்.

செய்முறை: அவலில் சூடான வெந்நீர் ஊற்றிப் பிசைந்து, அதனுடன் அரிசி மாவு, தேங்காய் துருவல், பொடித்த வெல்லம் சேர்த்துப் பிசைந்து உருண்டைகளாகப் பிடித்து ஆவியில் வேகவைக்கவும்.

9. பாசிப்பயறு இனிப்பு பூரண கொழுக்கட்டை

தேவையான பொருட்கள்: பாசிப்பயறு - ½ கப், அரிசி மாவு - 1 கப், வெல்லம் - ¾ கப், தேங்காய் துருவல் - ¼ கப்.

செய்முறை: பாசிப்பயறை வேகவைத்து, அதனுடன் பொடித்த வெல்லம், தேங்காய் துருவல் சேர்த்துப் பூரணம் தயார் செய்து, அரிசி மாவு மாவுக்குள் வைத்து ஆவியில் வேகவிடவும்.

10. பால் கொழுக்கட்டை

தேவையான பொருட்கள்: அரிசி மாவு - 1 கப், பால் - 2 கப், சர்க்கரை - ½ கப், தேங்காய் பால் - ½ கப், ஏலக்காய் - 3, உப்பு - ஒரு சிட்டிகை.

செய்முறை: அரிசி மாவில் உப்பு, வெந்நீர் சேர்த்துப் பிசைந்து கோலிக்குண்டு அளவில் உருட்டி ஆவியில் வேகவைக்கவும். பாலைச் சூடாக்கி சர்க்கரை, ஏலக்காய் சேர்த்து, வேகவைத்த கொழுக்கட்டைகளைப் போட்டு கொதிக்கவிட்டு, இறக்கும் முன் தேங்காய் பால் ஊற்றவும்.

11. முந்திரி பூரண கொழுக்கட்டை

தேவையான பொருட்கள்: அரிசி மாவு - 1 கப், முந்திரி - ½ கப், தேங்காய் துருவல் - ¼ கப், வெல்லம் - ½ கப்.

செய்முறை: வெல்லப் பாகு காய்ச்சி, அதில் தேங்காய் துருவல் மற்றும் பொடியாக நறுக்கிய முந்திரி சேர்த்துப் பூரணம் தயார் செய்து, அரிசி மாவு மாவுடன் சேர்த்து கொழுக்கட்டை செய்யவும்.

12. முந்திரி - திராட்சை பூரண கொழுக்கட்டை

தேவையான பொருட்கள்: அரிசி மாவு - 1 கப், முந்திரி - ¼ கப், உலர் திராட்சை - ¼ கப், வெல்லம் - ½ கப், தேங்காய் துருவல் - ¼ கப்.

செய்முறை: வெல்லப் பாகில் தேங்காய் துருவல், உடைத்த முந்திரி மற்றும் உலர் திராட்சை சேர்த்துப் பூரணம் செய்து, அரிசி மாவு மாவுடன் சேர்த்து ஆவியில் வேகவைக்கவும்.

13. பனங்கற்கண்டு பூரண கொழுக்கட்டை

தேவையான பொருட்கள்: அரிசி மாவு - 1 கப், பனங்கற்கண்டு - ¾ கப், தேங்காய் துருவல் - ½ கப், ஏலக்காய் - 3.

செய்முறை: பனங்கற்கண்டுடன் சிறிதளவு தண்ணீர் சேர்த்துப் பாகு காய்ச்சி, தேங்காய் துருவல் மற்றும் ஏலக்காய் சேர்த்துப் பூரணம் செய்து கொழுக்கட்டை தயாரிக்கவும்.

14. தேங்காய் பருப்பு காரக் கொழுக்கட்டை

தேவையான பொருட்கள்: அரிசி மாவு - 1 கப், கடலைப்பருப்பு - ½ கப், தேங்காய் - ¼ கப், பச்சை மிளகாய் - 2.

செய்முறை: வேகவைத்த கடலைப்பருப்புடன் தேங்காய் துருவல் மற்றும் அரைத்த மிளகாய் சேர்த்துப் பிசைந்து கொள்ளவும். அரிசி மாவு மாவில் பூரணம் போல் வைத்து ஆவியில் வேகவிடவும்.

15. ஏலக்காய் பூரண கொழுக்கட்டை

தேவையான பொருட்கள்: அரிசி மாவு - 1 கப், சர்க்கரை - ½ கப், தேங்காய் துருவல் - ½ கப், ஏலக்காய் - 3.

செய்முறை: சர்க்கரை பாகு காய்ச்சி, தேங்காய் துருவல் மற்றும் ஏலக்காய் பொடி சேர்த்துப் பூரணம் செய்து, அரிசி மாவு மாவுடன் சேர்த்து வேகவைக்கவும்.

16. இனிப்பு ரவை கொழுக்கட்டை

தேவையான பொருட்கள்: ரவை - ½ கப், அரிசி மாவு - ½ கப், வெல்லம் - ½ கப், தேங்காய் துருவல் - ¼ கப்.

செய்முறை: ரவையை லேசாக வறுத்து, அரிசி மாவு, பொடித்த வெல்லம் மற்றும் தேங்காய் துருவல் சேர்த்துப் பிசைந்து உருண்டைகளாகப் பிடித்து ஆவியில் வேகவிடவும்.

17. கருப்பட்டி எள்ளு கொழுக்கட்டை

தேவையான பொருட்கள்: அரிசி மாவு - 1 கப், எள் - ½ கப், கருப்பட்டி - ¾ கப், தேங்காய் துருவல் - ¼ கப், ஏலக்காய் - 3.

செய்முறை: எள்ளை வறுத்துப் பொடிக்கவும். கருப்பட்டி பாகுடன் தேங்காய் துருவல், ஏலக்காய் மற்றும் எள் பொடி சேர்த்துப் பூரணம் செய்து, அரிசி மாவு மாவில் வைத்து வேகவைக்கவும்.

18. வாழைப்பழம் வெல்ல கொழுக்கட்டை

தேவையான பொருட்கள்: அரிசி மாவு - 1 கப், வாழைப்பழம் - 2, வெல்லம் - ½ கப், தேங்காய் துருவல் - ¼ கப்.

செய்முறை: மசித்த வாழைப்பழத்துடன் வெல்லம், தேங்காய் துருவல் மற்றும் அரிசி மாவு சேர்த்துப் பிசைந்து உருண்டைகளாகப் பிடித்து ஆவியில் வேகவைக்கவும்.

19. தேன் கொழுக்கட்டை

தேவையான பொருட்கள்: அரிசி மாவு - 1 கப், தேங்காய் துருவல் - ½ கப், தேன் - ¼ கப், ஏலக்காய் - 3.

செய்முறை: அரிசி மாவைப் பிசைந்து சிறிய கொழுக்கட்டைகளாக வேகவைத்து, அதன் மீது தேன் ஊற்றி தேங்காய் துருவல் மற்றும் ஏலக்காய் பொடி தூவிக் பரிமாறவும்.

20. நெய் - தேங்காய் பூரண கொழுக்கட்டை

தேவையான பொருட்கள்: அரிசி மாவு - 1 கப், தேங்காய் துருவல் - ½ கப், வெல்லம் - ½ கப், நெய் - 1 டீஸ்பூன், ஏலக்காய் - 3.

செய்முறை: வெல்லப் பாகில் தேங்காய் துருவல், ஏலக்காய் பொடி மற்றும் நெய் சேர்த்துச் சுவையான பூரணம் தயார் செய்து, அரிசி மாவு மாவில் வைத்து ஆவியில் வேகவைத்து எடுக்கவும்.