சென்னை: தங்கம் வாங்கத் திட்டமிட்டிருப்போருக்கு ஆறுதல் அளிக்கும் வகையில், சென்னையில் ஆபரணத் தங்கத்தின் விலை இன்று (அக். 30) கணிசமாகக் குறைந்துள்ளது. ஒரே நாளில் சவரனுக்கு ரூ.1,240 சரிந்துள்ளது. வெள்ளி விலையும் கிலோவுக்கு ரூ.5,000 குறைந்துள்ளது.

சர்வதேச சந்தை நிலவரம், அமெரிக்க டாலருக்கு நிகரான இந்திய ரூபாயின் மதிப்பு, கச்சா எண்ணெய் விலை, உலகப் பொருளாதாரச் சூழல் உள்ளிட்ட பல்வேறு காரணிகள் தங்கத்தின் விலையில் தாக்கத்தை ஏற்படுத்துகின்றன. இதனால் தங்கம் விலை அவ்வப்போது ஏற்ற இறக்கத்துடன் காணப்படுகிறது.

இன்றைய தங்கம் விலை

சென்னையில் இன்று காலை வர்த்தகம் தொடங்கியதும் 22 காரட் ஆபரணத் தங்கம் கிராமுக்கு ரூ.155 குறைந்து ரூ.13,040-க்கு விற்பனை செய்யப்படுகிறது. இதன்படி, ஒரு சவரன் (8 கிராம்) ரூ.1,04,320-க்கு விற்பனையாகிறது. சவரனுக்கு மொத்தம் ரூ.1,240 குறைந்துள்ளது.

24 காரட் தூய தங்கம் சவரனுக்கு ரூ.1,352 குறைந்து ரூ.1,13,808-க்கும், 18 காரட் தங்கம் சவரனுக்கு ரூ.1,032 குறைந்து ரூ.85,336-க்கும் விற்பனை செய்யப்படுகிறது.

வெள்ளி விலையும் குறைந்தது

வெள்ளி விலையும் இன்று சரிவைக் கண்டுள்ளது. கிராமுக்கு ரூ.5 குறைந்து ஒரு கிராம் வெள்ளி ரூ.210-க்கு விற்பனை செய்யப்படுகிறது. கிலோவுக்கு ரூ.5,000 குறைந்து ஒரு கிலோ வெள்ளி ரூ.2,10,000 ஆக உள்ளது.

தங்கம் மற்றும் வெள்ளி விலைகளில் ஏற்பட்டுள்ள இந்தச் சரிவு நகை வாங்கத் திட்டமிடுவோரின் கவனத்தை ஈர்த்துள்ளது. நகைக் கடைகளில் செய்கூலி, சேதாரம் மற்றும் வரிகள் சேர்க்கப்படுவதால் இறுதிக் கட்ட விலை மாறுபடும்.