சுவாசத்தொற்று மற்றும் மூச்சுத்திணறல் காரணமாக மருத்துவமனையில் சிகிச்சை பெற்றுவரும் கொளத்தூர் சட்டமன்ற உறுப்பினர் வி.எஸ்.பாபுவை, தமிழக முதல்வர் மு.க.ஸ்டாலின் நேரில் சந்தித்து நலம் விசாரித்தார்.

உடல்நலக்குறைவு ஏற்பட்டதைத் தொடர்ந்து, சென்னை அமைந்தகரையில் உள்ள எம்.ஜி.எம். தனியார் மருத்துவமனையில் கொளத்தூர் சட்டமன்ற உறுப்பினர் வி.எஸ்.பாபு அனுமதிக்கப்பட்டு தீவிர சிகிச்சை பெற்று வருகிறார்.

மருத்துவமனையில் சிகிச்சை பெற்றுவரும் வி.எஸ்.பாபுவை நேரில் சந்தித்துச் சென்ற முதல்வர் மு.க.ஸ்டாலின், அவருக்கு அளிக்கப்பட்டு வரும் சிகிச்சைகள் குறித்து அங்கிருந்த மருத்துவர்களிடம் விசாரித்து விவரங்களைக் கேட்டறிந்தார். வி.எஸ்.பாபுவுக்கு ஏற்பட்டுள்ள சுவாசத்தொற்று மற்றும் மூச்சுத்திணறல் தொடர்பான மருத்துவ சிகிச்சைகள் குறித்து மருத்துவர்கள் முதல்வரிடம் விளக்கினர்.