சென்னையில் தென்மண்டல முதலமைச்சர்கள் மாநாடு!

இந்தியாவின் தென்மண்டல மாநிலங்களான ஆந்திரப்பிரதேசம், கர்நாடகம், கேரளம், தமிழ்நாடு மற்றும் தெலுங்கானா மாநிலங்களின் 39வது முதலமைச்சர்கள் மாநாடு, மத்திய உள்துறை அமைச்சர் அமித் ஷா தலைமையில் சென்னை கோவளத்தில் உள்ள நட்சத்திர ஹோட்டலில் வரும் 19 மற்றும் 20 தேதிகளில் நடைபெறவுள்ளது. இந்த மாநாட்டில் ஐந்து மாநிலங்களின் முதலமைச்சர்களும் மற்றும் முக்கிய உயர் அதிகாரிகளும் கலந்துகொண்டு பல்வேறு முக்கியப் பிரச்சினைகள் குறித்து விவாதிக்க உள்ளனர். இந்த மண்டல மாநாடு 4  ஆண்டுகளுக்கு ஒருமுறை கூடும் வழக்கத்தைக் கொண்டுள்ளது என்பது குறிப்பிடத்தக்கது ஆகும்.

இதற்கு முன்பு நடைபெற்ற முப்பதாவது மாநாடு கேரள மாநிலத்தில் வெற்றிகரமாக நடத்தப்பட்டது. நாட்டின் தெற்குப் பகுதியில் உள்ள மாநிலங்களுக்கு இடையேயான நல்லுறவை மேம்படுத்துவதற்கும், பொதுவான பிரச்சனைகளுக்குத் தீர்வு காண்பதற்கும் இந்த மாநாடு முக்கிய தளமாக அமைகிறது. மாநிலங்களின் எல்லைப் பாதுகாப்பு, நீர் மேலாண்மை மற்றும் வர்த்தக மேம்பாடு போன்ற பல்வேறு ஆலோசனைகள் இந்த கூட்டத்தில் விவாதிக்கப்பட உள்ளன.

மாநாட்டிற்கான பாதுகாப்பு ஏற்பாடுகள் மற்றும் வரவேற்பு பணிகள் சென்னை கோவளம் பகுதியில் தீவிரமாக மேற்கொள்ளப்பட்டு வருகின்றன. மத்திய உள்துறை அமைச்சர் மற்றும் ஐந்து மாநில முதல்வர்கள் கலந்துகொள்ளும் இந்த மாநாடு அரசியல் வட்டாரத்தில் பெரும் எதிர்பார்ப்பை ஏற்படுத்தியுள்ளது. கூட்டத்தில் எடுக்கப்படும் முடிவுகள் தென்மாநிலங்களின் வளர்ச்சிக்குப் பெரிதும் உதவும் என எதிர்பார்க்கப்படுகிறது.