"திமுகவை முதலமைச்சர் விஜய் ஒழித்துவிட்டார்" - அமைச்சர் நிர்மல் குமார் கடும் தாக்கு!

மதுரை வாடிப்பட்டியில் நடைபெற்ற தமிழக வெற்றிக் கழக (தவெக) அரசின் 100 நாள் சாதனை விளக்கப் பொதுக்கூட்டத்தில் கலந்துகொண்டு பேசிய அமைச்சர் சி.டி.ஆர். நிர்மல் குமார், எதிர்க்கட்சியான திமுக மீதும் அதன் தலைமை மீதும் கடுமையான விமர்சனங்களை முன்வைத்துள்ளார்.

"தீய சக்தியான திமுகவை முதலமைச்சர் விஜய் முற்றிலும் ஒழித்துவிட்டார். இன்னும் 2 ஆண்டுகளில் திமுகவினர் அரசியலை விட்டே விலகும் நிலை ஏற்படும்" என்று அவர் பேசினார்.

"விரைவில் திமுகவின் தலைமை அலுவலகமான அண்ணா அறிவாலயத்திற்கு வெள்ளையடித்து வாடகைக்கு விடும் சூழல் உருவாகும்" எனச் சாடினார். "முரசொலி டிரஸ்ட்டைக் கைப்பற்றுவதற்காக திமுக குடும்பத்திற்குள்ளேயே தீவிரமான போட்டி நடந்துகொண்டிருக்கிறது" என்றும் அவர் குற்றஞ்சாட்டினார்.

தவெக அரசின் 100 நாள் சாதனை விளக்கக் கூட்டங்களில் திமுகவிற்கு எதிராகத் தவெக அமைச்சர்கள் மற்றும் நிர்வாகிகள் தொடர்ச்சியாகப் பேசி வருவது தமிழக அரசியல் களத்தில் பெரும் பரபரப்பை ஏற்படுத்தியுள்ளது.