கேரள மாநிலம் திருச்சூர் அருகே நடந்த சாலை விபத்தில், இருசக்கர வாகனத்தில் சென்ற பல் மருத்துவக் கல்லூரி மாணவி உயிரிழந்த சம்பவம் சோகத்தை ஏற்படுத்தியுள்ளது. தம்பியை டியூஷன் வகுப்பில் விட்டுவிட்டு வீடு திரும்பியபோது இந்த விபத்து நிகழ்ந்ததாக முதற்கட்டத் தகவல்கள் தெரிவிக்கின்றன.

திருச்சூர் பரவட்டானி அருகே கொலத்தோடு பகுதியில், மன்னுத்தியிலிருந்து திருச்சூர் நோக்கிச் சென்றுகொண்டிருந்த கேரள அரசு போக்குவரத்துக் கழகப் பேருந்து, ஏஞ்சல் சென்ற ஸ்கூட்டர் மீது மோதியதாகக் கூறப்படுகிறது. இதில் சாலையில் தூக்கி வீசப்பட்ட ஏஞ்சல் சம்பவ இடத்திலேயே உயிரிழந்தார். இந்த விபத்து அவரது தாயின் கண் முன்னே நடந்ததாகவும் செய்திகள் தெரிவிக்கின்றன.

விபத்துக்கான துல்லியமான காரணம் இன்னும் உறுதி செய்யப்படவில்லை. பேருந்து மற்றொரு வாகனத்தை முந்திச் சென்றபோது விபத்து ஏற்பட்டதாக ஒரு தரப்பில் கூறப்படுகிறது. அதேவேளை, ஸ்கூட்டரில் வீட்டுக்குச் செல்லும் சாலைக்குத் திரும்பியபோது பேருந்து மோதியதாகவும் தகவல்கள் வெளியாகியுள்ளன. போலீசார் சிசிடிவி காட்சிகளை ஆய்வு செய்து, சாட்சிகளிடம் விசாரணை நடத்தி வருகின்றனர்.