திருவொற்றியூரில் பரபரப்பு... கன்டெய்னர் யார்டில் டிரோன் விழுந்து நொறுங்கியது!
சென்னை திருவொற்றியூர் அடுத்த விம்கோ நகரில் உள்ள தனியார் கன்டெய்னர் யார்டில் டிரோன் ஒன்று திடீரென விழுந்து நொறுங்கிய சம்பவம் அப்பகுதியில் பெரும் பரபரப்பை ஏற்படுத்தியுள்ளது.
சென்னை திருவொற்றியூர் அடுத்த விம்கோ நகரில் அமைந்துள்ள தனியார் கன்டெய்னர் யார்டில் நேற்று மதியம் திடீரென ஒரு டிரோன் பறந்து வந்து எதிர்பாராதவிதமாக விழுந்து நொறுங்கியது. இதுகுறித்துத் தகவல் அறிந்த எண்ணூர் காவல்துறையினர் உடனடியாக நிகழ்விடத்திற்கு விரைந்து சென்று விசாரணை நடத்தினர்.
காவல்துறையினர் நடத்திய முதற்கட்ட விசாரணையில், தமிழ்நாடு ஆளில்லா வான்வெளி வாகன கழகம் சார்பில், தமிழகக் கடலோரக் காவல் படை தொடர்பான பாதுகாப்புப் பணிகளுக்காக எண்ணூர் மற்றும் திருவொற்றியூர் கடல் பகுதிகளில் டிரோன்கள் மூலம் வான்வழி ஆய்வு மேற்கொள்ளப்பட்டது தெரியவந்துள்ளது.
ஆய்வுப் பணியின்போது பறந்து கொண்டிருந்த அந்த டிரோன் எதிர்பாராதவிதமாகப் பறவையின் மீது மோதியதாகவும், இதனால் கட்டுப்பாட்டை இழந்து தனியார் கன்டெய்னர் யார்டில் விழுந்து நொறுங்கியதாகவும் முதற்கட்டத் தகவலեր தெரிவிக்கின்றன. இது தொடர்பாக அந்த டிரோனை இயக்கியவர்கள் மற்றும் சம்பந்தப்பட்ட அதிகாரிகளிடம் எண்ணூர் போலீசார் தொடர்ந்து விசாரணை நடத்தி வருகின்றனர்.