பெரும் சோகம்...  மைதானத்தில்  கிரிக்கெட் போட்டியில் பேட்டிங் செய்தபோது இளைஞர் சரிந்து விழுந்து  மரணம்!

இலங்கையில் உள்ள ஒரு பள்ளி முன்னாள் மாணவர் சங்கம் சார்பில், பழைய மாணவர்களை ஒருங்கிணைத்துச் சிறப்பு கிரிக்கெட் போட்டித் தொடர் ஒன்று நடத்தப்பட்டது. இந்தத் தொடரில் விறுவிறுப்பாக நடைபெற்ற ஒரு போட்டியில் அந்தப் பள்ளியின் முன்னாள் மாணவரான 46 வயது நபர் ஒருவர் ஆர்வத்துடன் கலந்துகொண்டு விளையாடினார். மைதானத்தின் நடுவே அவர் மிகவும் சுறுசுறுப்பாகப் பேட்டிங் செய்துகொண்டிருந்த சமயத்தில், திடீரென நிலைதடுமாறி ஆடுகளத்திலேயே மயங்கிச் சரிந்து விழுந்துள்ளார்.

அவர் திடீரென மைதானத்தில் சுருண்டு விழுந்ததைக் கண்டு அதிர்ச்சியடைந்த சக வீரர்கள் மற்றும் நடுவர்கள், விளையாட்டை உடனடியாக நிறுத்திவிட்டு அவரை நோக்கி ஓடிவந்தனர். சுயநினைவின்றி இருந்த அவரை அங்குள்ளவர்கள் அனைவரும் இணைந்து மீட்டு, முதலுதவி வழங்கி அருகில் உள்ள மருத்துவமனைக்கு அவசரச் சிகிச்சைக்காகக் கொண்டு சென்றனர். அங்கு அவரைப் தீவிரமாகப் பரிசோதித்த அவசரப் பிரிவு மருத்துவர்கள், அவர் ஏற்கனவே இறந்துவிட்டதாகத் தெரிவித்து அதிர்ச்சி கொடுத்தனர்.

விளையாட்டு மைதானத்தில் நண்பர்களுடன் மகிழ்ச்சியாகக் கிரிக்கெட் ஆடிக்கொண்டிருந்த போதே 46 வயது நபர் திடீரென உயிரிழந்த விபரீதச் சம்பவம் அங்கு விளையாடிக் கொண்டிருந்தவர்களிடையே கடுமையான அதிர்ச்சியையும் சோகத்தையும் ஏற்படுத்தியுள்ளது. இத்துயரச் சம்பவம் குறித்து உள்ளூர் போலீசார் வழக்குப் பதிவு செய்து, பிரேதப் பரிசோதனை அறிக்கையின் அடிப்படையில் மரணத்திற்கான உண்மைக் காரணம் என்ன என்பது குறித்துத் தங்களின் தீவிர விசாரணையைத் தொடங்கியுள்ளனர்.