மகளிர் கிரிக்கெட் அணித் தலைவி ஆஷ்லி கார்ட்னர் மீது முன்னாள் மனைவி மோனிகா ரைட் பரபரப்புப் புகார்!

ஆஸ்திரேலிய மகளிர் கிரிக்கெட்  அணியின் துணைக் கேப்டனான ஆஷ்லி கார்ட்னர் மீது அவரது பிரிந்த மனைவி மோனிகா ரைட் பொதுவெளியில் பரபரப்பான குற்றச்சாட்டுகளை முன்வைத்துள்ளார். ஒரே பாலின ஈர்ப்பு கொண்ட இவர்கள் இருவரும் கடந்த 2020ஆம் ஆண்டு முதல் ஒருவரையொருவர் தீவிரமாகக் காதலித்து வந்த நிலையில் கடந்த 2025 இல் முறைப்படி திருமணம் செய்துகொண்டனர். இந்தத் திருமண உறவானது விளையாட்டு உலகினர் மற்றும் இவர்களது ரசிகர்கள் மத்தியில் பெரும் வரவேற்பைப் பெற்று மிகவும் சுமுகமாகத் தொடங்கி நடந்து வந்தது.

இருப்பினும் இவர்களது குடும்ப வாழ்வில் ஏற்பட்ட சில தனிப்பட்ட கருத்து வேறுபாடுகள் காரணமாகக் கடந்த 2025 நவம்பரில் இருவரும் பரஸ்பரம் பிரிந்ததாகக் கூறப்படுகிறது. இந்த நிலையில் ஆஷ்லி கார்ட்னர் தனது சக வீராங்கனையான ஜார்ஜியா வோலுடன் நெருங்கிய தொடர்பில் இருந்ததாக மோனிகா ரைட் குற்றம் சாட்டியுள்ளார். இது தொடர்பாகத் தனது சமூக வலைதளப் பக்கத்தில் அவர் வெளியிட்டுள்ள புதிய பதிவு  விளையாட்டு வட்டாரங்களில் பெரும் விவாதத்தைக் கிளப்பியுள்ளது.

தனது மனைவியின் இந்தத் திடீர் குற்றச்சாட்டு குறித்து ஆஸ்திரேலிய வீராங்கனை ஆஷ்லி கார்ட்னர் இதுவரை எவ்வித அதிகாரப்பூர்வ விளக்கமும் அளிக்காமல் மௌனம் காத்து வருகிறார். கிரிக்கெட் வீராங்கனைகளின் இந்தத் தனிப்பட்ட குடும்பப் பிரச்சினை  ஊடகங்களிலும் இணையத்திலும் மிக வேகமாகப் பரவிப் பெரும் பரபரப்பை ஏற்படுத்தியுள்ளது. இந்த விவகாரம் ஆஸ்திரேலிய மகளிர் கிரிக்கெட்  அணியின் கவனத்திற்குச் சென்றுள்ள நிலையில் அடுத்தகட்டமாக என்ன நடக்கும் என்ற எதிர்பார்ப்பு எழுந்துள்ளது.