தாராபுரம் இடைத்தேர்தல்: தபால் வாக்கு சேகரிப்பு தொடக்கம்! 1,236 பேருக்காக 30 சிறப்பு குழுக்கள்!

திருப்பூர் மாவட்டம் தாராபுரம் சட்டமன்றத் தொகுதி இடைத்தேர்தலை முன்னிட்டு, தகுதியான வாக்காளர்களிடம் இருந்து தபால் வாக்குகளை சேகரிக்கும் பணிகள் தொடங்கியுள்ளன.தாராபுரம் தொகுதியில் தபால் வாக்கு செலுத்த தகுதி பெற்றுள்ள 1,236 வாக்காளர்களிடம் இருந்து வாக்குகளைப் பாதுகாப்பாகப் பெற்று பதிவு செய்வதற்காக 30 சிறப்புக் குழுக்கள் அமைக்கப்பட்டுள்ளன.

இந்தக் குழுவினர் பிரத்யேக வாகனங்கள் மூலம் தொகுதி முழுவதும் நேரில் சென்று தகுதியான வாக்காளர்களிடம் இருந்து தபால் வாக்குகளை சேகரித்து வருகின்றனர்.குறிப்பாக, 85 வயதுக்கு மேற்பட்ட முதியவர்கள் மற்றும் மாற்றுத்திறனாளி வாக்காளர்களிடம் இருந்து தபால் வாக்குகளைப் பெறுவதற்கான நடவடிக்கைகள் மேற்கொள்ளப்பட்டு வருகின்றன.

தபால் வாக்குகளை சேகரிக்கும் பணியில் ஈடுபட்டுள்ள அதிகாரிகள், வாக்குகளை முறையாகப் பெற்று பாதுகாப்பாக பதிவு செய்வதற்கான நடவடிக்கைகளை மேற்கொண்டு வருகின்றனர்.

தாராபுரம் மற்றும் மதுராந்தகம் ஆகிய சட்டமன்றத் தொகுதிகளுக்கான இடைத்தேர்தல் அக்டோபர் 6-ம் தேதி நடைபெற உள்ளது. இதையொட்டி இரு தொகுதிகளிலும் தேர்தல் பணிகள் தீவிரமடைந்துள்ளன.தாராபுரம் தொகுதியில் வேட்புமனு தாக்கல் நிறைவடைந்த நிலையில், ஏற்கப்பட்ட வேட்புமனுக்களின் அடிப்படையில் தேர்தல் களம் தற்போது தீவிரமடைந்துள்ளது.