திண்டுக்கல் தொழிலதிபர் வீட்டில் லஞ்ச ஒழிப்புத்துறை அதிரடி சோதனை!

திண்டுக்கல் ஜி.டி.என். சாலையில் வசிக்கும் பிரபல தொழிலதிபர் ரத்தினத்தின் வீட்டில் லஞ்ச ஒழிப்புத்துறை அதிகாரிகள் சோதனை நடத்தி வருகின்றனர். வருமானத்திற்கு அதிகமாகச் சொத்து சேர்த்ததாக எழுந்த புகாரின் அடிப்படையில் இந்தச் சோதனை நடைபெறுவதாகத் தகவல் வெளியாகியுள்ளது.

திண்டுக்கல் மற்றும் தேனி மாவட்டங்களைச் சேர்ந்த 20-க்கும் மேற்பட்ட லஞ்ச ஒழிப்புப் பிரிவு போலீசார் இந்தச் சோதனையில் ஈடுபட்டுள்ளதாகக் கூறப்படுகிறது. வருமானத்திற்கு அதிகமாகச் சொத்து சேர்த்ததாக எழுந்த புகாரின் அடிப்படையில் ஆவணங்கள் ஆய்வு செய்யப்பட்டு வருவதாகத் தகவல்கள் தெரிவிக்கின்றன.

சோதனையின் முடிவில் ஏதேனும் ஆவணங்கள் அல்லது பொருட்கள் கைப்பற்றப்பட்டனவா என்பது குறித்த அதிகாரப்பூர்வத் தகவல் வெளியாகவில்லை. இதனால் அப்பகுதியில் பரபரப்பு நிலவுகிறது