தேர்தல் தோல்வியால் திமுக நிர்வாகி கருணாநிதி கழிவறையில் தூக்குப்போட்டுத் தற்கொலை!

நாமக்கல் மாவட்டம் எருமப்பட்டி அருகே உள்ள அலகானத்தம் பிரிவு பகுதியைச் சேர்ந்தவர் கருணாநிதி வயது 69. தீவிர திமுக நிர்வாகியான இவரது மனைவி ஈஸ்வரி, கடந்த சில நாட்களுக்கு முன்புதான் உடல்நலக்குறைவால் இயற்கை எய்தியுள்ளார். இந்தத் தனிப்பட்ட சோகத்திற்கு நடுவே, கடந்த மே 4ம் தேதி நடைபெற்ற தமிழகச் சட்டசபை தேர்தல் வாக்கு எண்ணிக்கையின் போது கொளத்தூர் தொகுதியில் போட்டியிட்ட திமுக தலைவர் மு.க.ஸ்டாலின் எதிர்பாராத விதமாகத் தோல்வி அடைந்துள்ளார்.

தங்கள் கட்சியின் முதன்மைத் தலைவரான மு.க.ஸ்டாலின் தோல்வி அடைந்த விபரத்தைக் கேட்டறிந்த திமுக நிர்வாகி கருணாநிதி, அதனைத் தாங்க முடியாமல் கடும் மன உளைச்சலுக்கும் விரக்திக்கும் ஆளாகியுள்ளார். இதனால் மிகுந்த மனவேதனையுடன் காணப்பட்ட அவரை, அவரது மகனும் மகள்களும் பல்வேறு   வார்த்தைகளைக் கூறித் தொடர்ந்து தேற்றி வந்துள்ளனர். இருந்தாலும் தலைவரின் தேர்தல் தோல்வி தந்த ஏமாற்றத்தால் முற்றிலும் மனமுடைந்த கருணாநிதி, நேற்று   தனது வீட்டின் கழிவறையில் உள்ள இரும்புக் கம்பியில் தூக்குப்போட்டுத் தற்கொலை செய்து கொண்டார்.

இதுகுறித்துத் தகவலறிந்து சம்பவ இடத்திற்கு விரைந்து வந்த எருமப்பட்டி போலிசார், உயிரிழந்த திமுக நிர்வாகி கருணாநிதியின் உடலை மீட்டுப் பிரேதப் பரிசோதனைக்காக நாமக்கல் அரசு மருத்துவமனைக்கு அனுப்பி வைத்தனர். மேலும் இந்த அசாத்திய தற்கொலைச் சம்பவம் தொடர்பாகப் போலிசார் தற்பொழுது முறைப்படி வழக்குப்பதிவு செய்து தங்களது தீவிர விசாரணையைத் தொடங்கியுள்ளனர்.