தேவையற்ற பொய்ப் பிரச்சாரங்கள்... தவெக திமுகவிற்கு  பதிலடி!  

எதிர்க்கட்சித் தலைவர் உதயநிதி ஸ்டாலினின் விமர்சனங்களுக்குத் தமிழக வெற்றிக் கழகத்தின் தகவல் தொழில்நுட்பப் பிரிவு தனது சமூக வலைத்தளப் பக்கத்தில் கடுமையான பதிலடி கொடுத்துள்ளது. முந்தைய காலங்களில் ஆளுங்கட்சியாக இருந்தபோது மாற்றுக்கட்சி சட்டமன்ற உறுப்பினர்களைத் தங்களது பக்கம் இழுத்த தி.மு.க.விற்கு, இப்போது தாங்களாகவே முன்வந்து பதவிகளை ராஜினாமா செய்யும் மக்கள் பிரதிநிதிகளைப் பார்த்தால் பொறாமை ஏற்படுகிறது என்று தவெக சாடியுள்ளது. தங்களது சுயரூபத்தை மூடிமறைக்கவே எதிர்க்கட்சியினர் தேவையற்ற பொய்ப் பிரசாரங்களை மக்கள் மத்தியில் பரப்பி வருவதாகக் குற்றம் சாட்டப்பட்டுள்ளது.

திமுகவில் உள்ள முக்கியப் புள்ளிகளும் முன்னாள் அமைச்சர்களும் பல்வேறு முறைகேடுகளில் தொடர்ந்து சிக்கி வருவதால், தாங்கள் சட்டவிரோதமாகச் சேர்த்த சொத்துக்கள் அனைத்தும் பறிபோய்விடுமோ என்ற அச்சத்தில் அவர்கள் அலறி வருவதாகத் தவெக விமர்சித்துள்ளது. எழுதிக்கொடுத்த தாள்களைப் பார்த்து மட்டுமே பேசத் தெரிந்தவர்கள், எப்படியாவது ஆட்சியைப் பிடிக்க வேண்டும் என்ற எண்ணத்தில் திரைக்குப் பின்னால் நடத்திய ரகசியப் பேச்சுவார்த்தைகள் அனைத்தும் தோல்வியில் முடிவடைந்ததால் தற்போது கடுமையான விரக்தியில் உள்ளதாகத் தெரிவிக்கப்பட்டுள்ளது.

மாநிலத்தில் விரைவில் நடைபெற உள்ள இடைத்தேர்தல்களைச் சந்திக்கப் பயந்துகொண்டே தி.மு.க.வினர் இத்தகைய வீண் வதந்திகளைத் தொடர்ந்து உருவாக்கி வருவதாகத் தவெக அறிக்கையில் கூறப்பட்டுள்ளது. மக்களின் உண்மையான ஆதரவு தவெக அரசிற்கு முழுமையாக இருப்பதை அவர்களால் சகித்துக்கொள்ள முடியவில்லை என்றும் சாடப்பட்டுள்ளது. வரவிருக்கும் இடைத்தேர்தல்களில் மட்டுமல்லாமல் இனிவரும் அனைத்துத் தேர்தல்களிலும் தி.மு.க.விற்கு மக்கள் தங்களது வாக்குகள் மூலம் தகுந்த பாடம் புகட்டுவது உறுதி என்றும் அந்தப் பதிவில் திட்டவட்டமாகக் குறிப்பிடப்பட்டுள்ளது.