விஜய் அமெரிக்க அதிபராகக் கூட ஆகலாம் - எடப்பாடி பழனிசாமி கிண்டல்!

சினிமா காட்சிகளைப் போலவே தற்போதைய சட்டமன்ற நடவடிக்கைகள் அமைந்துள்ளதாகக் குறிப்பிட்ட அதிமுக பொதுச்செயலாளர் எடப்பாடி பழனிசாமி, நடிகர் விஜய் நினைத்தால் அமெரிக்க அதிபராகக் கூட ஆகலாம் என்று கிண்டலாகத் தெரிவித்தார்.

கோவையில் செய்தியாளர்களைச் சந்தித்துப் பேசிய எடப்பாடி பழனிசாமி, சினிமாவில் இடம்பெறும் சட்டமன்றக் காட்சிகளைப் போலத்தான் தற்போதைய தமிழகச் சட்டமன்ற நிகழ்ச்சிகளும் நடந்து வருவதாக விமர்சித்தார்.

தவெக ஆட்சியில் கடந்த காலங்களைக் காட்டிலும் போதைப்பொருள் புழக்கமும் ஊழலும் பன்மடங்கு அதிகரித்துவிட்டதாக அவர் கடுமையான குற்றச்சாட்டை முன்வைத்தார்.

நடிகர் விஜய் அரசியலுக்கு வந்தது பற்றிக் குறிப்பிட்ட அவர், "விஜய் பிரதமர் என்ன, அமெரிக்காவில் டிரம்ப்புக்குப் பதிலாக அவரே கூட அதிபராகலாம், அதில் தவறில்லையே" என்று கிண்டலாகக் கூறினார்.