திருவாரூர் மாவட்டம் நன்னிலம் பகுதியில் விவசாய நிலத்திற்குச் சென்ற முதியவர் ஒருவர் மின்சாரம் தாக்கி பரிதாபமாக உயிரிழந்த சம்பவம் அப்பகுதியில் பெரும் சோகத்தை ஏற்படுத்தியுள்ளது.

திருவாரூர் மாவட்டம் நன்னிலம் அருகே உள்ள விவசாய நிலத்திற்குச் செல்லும்போது, எதிர்பாராதவிதமாக அங்கு அறுந்து கிடந்த மின்சாரக் கம்பியைச் செல்லையன் (68) மிதித்துள்ளார்.

அறுந்து கிடந்த மின்கம்பியில் மின்சாரம் பாய்ந்திருந்ததால், அதனை மிதித்த செல்லையன் மீது மின்சாரம் தாக்கியதில் சம்பவ இடத்திலேயே பரிதாபமாக உயிரிழந்தார்.

இச்சம்பவம் குறித்துத் தகவலறிந்து விரைந்து சென்ற காவல்துறையினர், உயிரிழந்த செல்லையனின் உடலைக் கைப்பற்றி உடற்கூராய்வுக்காக அரசு மருத்துவமனைக்கு அனுப்பி வைத்தனர். மேலும், இதுகுறித்துத் தீவிர விசாரணை மேற்கொண்டு வருகின்றனர்.