தாம்பரம் ரயில் நிலையத்தில் ஓடும் ரயிலில் ஏற முயன்ற வடமாநிலத்தைச் சேர்ந்த நபர் ஒருவர் கால் தவறி தண்டவாளத்தில் விழுந்த நிலையில், ரயில்வே பாதுகாப்புப் படையினரின் துரிதமான செயலால் அதிர்ஷ்டவசமாக உயிர் தப்பியுள்ளார்.

View this post on Instagram

A post shared by News7 Tamil (@news7tamil)

தாம்பரம் ரயில் நிலையத்தில் இயக்கத்தில் இருந்த ஓடும் ரயிலில் ஏற முயன்ற வடமாநிலத்தைச் சேர்ந்த நபர் ஒருவர் எதிர்பாராதவிதமாகக் கால் தவறி கீழே விழுந்து ரயிலின் அடியில் சிக்கிக்கொண்டார்.

அந்தச் இக்கட்டான சூழ்நிலையில் அங்குப் பணியில் இருந்த ரயில்வே பாதுகாப்புப் படையினர் (RPF) சற்றும் தாமதிக்காமல் உடனடியாகச் செயல்பட்டு, அந்த நபரைப் பிடித்து இழுத்துச் சாதுரியமாக மீட்டனர்.

பாதுகாப்புப் படையினரின் இந்தத் துரித நடவடிக்கையால் பெரும் விபத்து தவிர்க்கப்பட்டு, லேசான காயங்களுடன் அந்த நபர் நல்வாய்ப்பாக உயிர் தப்பினார். இச்சம்பவம் அப்பகுதியில் பெரும் பரபரப்பை ஏற்படுத்தியது.