இந்தியாவில் ஆகஸ்ட் மாதத்தின் முதல் ஞாயிற்றுக்கிழமை நண்பர்கள் தினமாகக் கொண்டாடப்படுகிறது. அந்த வகையில் இந்த ஆண்டு ஆகஸ்ட் 2, 2026 அன்று நண்பர்கள் தினம் கொண்டாடப்படுகிறது. கடைசியாகக் கடைகளுக்குச் சென்று நேரம் விரயம் செய்யாமல், மின்னஞ்சல் அல்லது மெசேஜிங் செயலிகள் மூலம் உடனடி டிஜிட்டல் பரிசுகளை வழங்குவது சிறந்தத் தேர்வாகும். உங்கள் நண்பர்களின் விருப்பத்திற்கேற்ப நீங்கள் வழங்கக்கூடிய சில சிறந்த டிஜிட்டல் பரிசு யோசனைகள் இதோ:

1. அமேசான் பிரைம் மெம்பர்ஷிப்

சினிமா, ஷாப்பிங் பிரியர்களுக்கு இது மிகவும் பயனுள்ள பரிசு. ஆண்டுக்கு ₹1,499. பிரைம் வீடியோ, அமேசான் மியூசிக், பிரைம் ரீடிங் மற்றும் இலவச விரைவு டெலிவரி ஆகிய வசதிகள் இதில் அடங்கும்.

2. கூகுள் பிளே கிஃப்ட் கார்டு

ஆண்ட்ராய்டு ஸ்மார்ட்போன் பயனர்களுக்கு ஏற்ற சிறந்த தேர்வு. ₹100 முதல் ₹1,500 வரை. கூகுள் பிளே ஸ்டோரில் ஆப்ஸ்கள், கேம்கள், புத்தகங்கள் வாங்கவும், இன்-ஆப் பர்ச்சேஸ்களுக்கும் பயன்படுத்தலாம்.

3. புக்மைஷோ கிஃப்ட் கார்டு

திரைப்படம் மற்றும் பொழுதுபோக்குகளை விரும்பும் நண்பர்களுக்கு ஏற்றது. 12 மாதங்கள் சினிமா, நேரலை இசை நிகழ்ச்சிகள், நாடகங்கள் மற்றும் விளையாட்டு நிகழ்வுகளுக்கான டிக்கெட்டுகளை முன்பதிவு செய்யப் பயன்படுத்தலாம்.

4. பிளேஸ்டேஷன் ஸ்டோர் கிஃப்ட் கார்டு

PS4 அல்லது PS5 கேமிங் கன்சோல் வைத்துள்ள கேமர் நண்பர்களுக்கான பரிசு.மதிப்பு: ₹670 மற்றும் ₹2,000. டிஜிட்டல் கேம்கள், கூடுதல் அம்சம் கொண்ட கேமிங் பேக்குகள் மற்றும் பிளேஸ்டேஷன் பிளஸ் சந்தாக்களை வாங்க உதவும்.   நண்பரிடம் இந்திய பிளேஸ்டேஷன் கணக்கு உள்ளதா என்பதைச் சரிபார்க்கவும்.

5. ஸ்பாட்டிஃபை பிரீமியம்

இசைப் பிரியர்களுக்கு ஏற்ற சிறந்த டிஜிட்டல் ஆப்ஷன். ஒரு வருடப் பிரீமியம் ஸ்டாண்டர்ட் திட்டம் ₹1,390 விளம்பரமில்லா பாடல்கள், உயர்தர ஆடியோ மற்றும் ஆஃப்லைன் பதிவிறக்க வசதி கிடைக்கும்.

டிஜிட்டல் பரிசுகளை வாங்கும்போது கவனிக்க வேண்டியவை

பெறுநரின் மின்னஞ்சல் முகவரி அல்லது தொலைபேசி எண் சரியாக உள்ளதா என்பதை உறுதிப்படுத்திக் கொள்ளுங்கள். சாதன இணக்கத்தன்மை, வவுச்சரின் காலாவதி தேதி மற்றும் அந்த நபரிடம் ஏற்கனவே செயலில் உள்ள சந்தா உள்ளதா என்பதைச் சரிபார்க்கவும். அறியப்படாத விற்பனையாளர்களிடம் தள்ளுபடி வவுச்சர்களை வாங்காமல், எப்போதும் அங்கீகரிக்கப்பட்ட அதிகாரப்பூர்வத் தளங்களிலிருந்தே வாங்குவது பாதுகாப்பானது. டிஜிட்டல் வவுச்சர்களுக்குப் பணம் திரும்பப் பெற முடியாது என்பதை நினைவில் கொள்க.