செப்டம்பர் 14-ம் தேதி விநாயகர் சதுர்த்தி கொண்டாடப்பட உள்ள நிலையில், தமிழகத்தில் விதவிதமான விநாயகர் சிலைகள் தயார் செய்யப்பட்டு வருகின்றன. அந்த வகையில், தமிழக முதலமைச்சர் விஜய் சட்டப்பேரவையில் வெளிப்படுத்திய வைரல் ரியாக்ஷனை நினைவுபடுத்தும் வகையில் கோட்சூட் அணிந்த விநாயகர் சிலை உருவாக்கப்பட்டுள்ளது.

இந்த ஆண்டுக்கான விநாயகர் சதுர்த்தி விழா எதிர்வரும் 14-ஆம் தேதி திங்கட்கிழமை கொண்டாடப்படவுள்ளதையொட்டி, நாடு முழுவதும் சிலைகள் தயாரிக்கும் பணிகள் தீவிரமாக நடைபெற்று வருகின்றன.

தமிழகத்தில் இந்த முறை உருவாக்கப்படும் விநாயகர் சிலைகள் மக்களின் கவனத்தை ஈர்த்து வரும் நிலையில், தற்போதைய ட்ரெண்டிற்கு ஏற்ப கோட்சூட் அணிந்தவாறு ஒரு பிரமாண்ட விநாயகர் சிலை செய்யப்பட்டுள்ளது.

சட்டப்பேரவைக் கூட்டத்தில் முதலமைச்சர் விஜய் செய்த வைரல் ரியாக்ஷன் மற்றும் அவரது உடை அணியும் பாணியைக் குறிக்கும் வகையில் இந்தச் சிலை வடிவமைக்கப்பட்டுள்ளது காண்போரை வியப்பிலும் மகிழ்ச்சியிலும் ஆழ்த்தியுள்ளது.