அனுமதியின்றி செயல்பட்ட ஐஸ் ஆலையில் அமோனியா வாயு கசிவு!

 வேலூர் முள்ளிப்பாளையத்தில் அனுமதியின்றி இயங்கி வந்த ஐஸ் கட்டி தயாரிக்கும் ஆலையில் சோதனை ஓட்டத்தின்போது திடீரென அமோனியா வாயு கசிந்ததால் அப்பகுதி மக்கள் அதிர்ச்சியடைந்தனர். கடந்த ஜூன் 21ஆம் தேதி திருவள்ளூர் மாவட்டம் கன்னிகைப்பேரில் உள்ள கடல் உணவு பதப்படுத்தும் தொழிற்சாலையில் அமோனியா வாயு கசிந்த விபத்தில் புலம்பெயர் தொழிலாளர்கள் 18 பேர் உயிரிழந்த சம்பவம் பெரும் அதிர்வலைகளை ஏற்படுத்தியிருந்தது. இந்தச் சூழலில் மீண்டும் இதுபோன்ற ஒரு சம்பவம் நிகழ்ந்துள்ளது அப்பகுதி மக்களிடையே கடும் பீதியைக் ஏற்படுத்தியுள்ளது.

வேலூர் முள்ளிப்பாளையத்தில் புதிதாகத் திறக்கப்பட்ட ஐஸ் கட்டி தயாரிக்கும் ஆலையில் சோதனை ஓட்டம் நடைபெற்றபோது சிலிண்டர் குழாயில் இருந்து அமோனியா வாயு கசிந்தது. இதனால் அப்பகுதியில் வசிக்கும் பொதுமக்களுக்குக் கண் எரிச்சல் மற்றும் மூச்சுத்திணறல் உள்ளிட்ட பல்வேறு பாதிப்புகள் ஏற்பட்டன. உடனடியாக உஷாரான பொதுமக்கள் வீட்டை விட்டு வெளியேறிப் பாதுகாப்பான இடங்களுக்கு ஓட்டம் பிடித்தனர்.

அனுமதியின்றி இயங்கி வந்த இந்த ஆலையின் மீது உரிய நடவடிக்கை எடுக்க வேண்டும் என்று அப்பகுதி மக்கள் கோரிக்கை விடுத்துள்ளனர். கடந்த கால விபத்துகளை மனதில் கொண்டு அதிகாரிகள் இதுபோன்ற தொழிற்சாலைகளைத் தீவிரமாகக் கண்காணிக்க வேண்டும் என்றும் அவர்கள் வலியுறுத்துகின்றனர். இத்தகைய விபத்துகள் மேலும் நடைபெறாமல் இருக்க மாவட்ட நிர்வாகம் உடனடியாகத் தலையிட்டுத் தகுந்த பாதுகாப்பு நடவடிக்கைகளை மேற்கொள்ள வேண்டும்.