தங்கம் வாங்க சரியான நேரம்... அதிரடி விலைக் குறைப்பு!  

கடந்த சில நாட்களாக விண்ணை முட்டும் அளவிற்கு உயர்ந்து வந்த தங்கத்தின் விலை தற்போது குறைந்து வருவது இல்லத்தரசிகளிடையே பெரும் மகிழ்ச்சியை ஏற்படுத்தியுள்ளது. சென்னையில் கடந்த 25-ஆம் தேதி முதல் தங்கம் விலை மீண்டும் ஏற்றம் கண்ட நிலையில், கடந்த இரண்டு நாட்களாக விலை சரிவை நோக்கிச் செல்லத் தொடங்கியுள்ளது. நேற்று ஒரே நாளில் மட்டும் சவரனுக்கு 1,600 ரூபாய் வரை குறைந்ததால் நகைக்கடைகளில் மக்கள் கூட்டம் அலைமோதத் தொடங்கியுள்ளது.

இந்த விலைக் குறைப்பைத் தொடர்ந்து இன்றும் தங்கம் விலையில் பெரிய மாற்றங்கள் ஏதுமின்றி அதே நிலையில் நீடிக்கிறது. அதன்படி இன்று ஒரு கிராம் தங்கம் 13,900 ரூபாய்க்கும், ஒரு சவரன் தங்கம் 1,11,200 ரூபாய்க்கும் விற்பனை செய்யப்பட்டு வருகிறது. கடந்த இரண்டு நாட்களில் மட்டும் கிராமுக்கு 330 ரூபாயும், சவரனுக்கு 2,640 ரூபாயும் குறைந்திருப்பது நடுத்தர வர்க்கத்தினருக்கு ஒரு வரப்பிரசாதமாக அமைந்துள்ளது.

தங்கத்தைப் போலவே வெள்ளி விலையிலும் இன்று எந்த மாற்றமும் இன்றி நேற்றைய விலையிலேயே நீடித்து வருகிறது. இன்று ஒரு கிராம் வெள்ளி 260 ரூபாய்க்கும், ஒரு கிலோ பார் வெள்ளி 2,60,000 ரூபாய்க்கும் விற்பனை செய்யப்படுகிறது. வரும் நாட்களில் தங்கம் மற்றும் வெள்ளியின் விலை மேலும் குறையுமா அல்லது மீண்டும் உயருமா என்பதை பொறுத்திருந்துதான் பார்க்க வேண்டும்.