ஆடி கடைசி வெள்ளியில் இன்ப அதிர்ச்சி... சர்...ரென சரிந்த தங்கம் விலை! 

சர்வதேச நிலவரங்களால் கடந்த சில தினங்களாக தமிழகத்தில் தங்கம் விலை ஏற்றம் மற்றும் இறக்கம் கண்டு வருகிறது. இதன் தொடர்ச்சியாக சென்னையில் இன்று இருபத்தி இரண்டு காரட் ஆபரண தங்கத்தின் விலை சவரனுக்கு ஆயிரத்து நானூற்றி நாற்பது ரூபாய் குறைந்துள்ளது. அதன்படி ஒரு சவரன் தங்கம் ஒரு லட்சத்து பன்னிரண்டாயிரத்து முன்னூற்றி இருபது ரூபாய்க்கும், கிராமுக்கு நூற்று எண்பது ரூபாய் குறைந்து பதினான்காயிரத்து நாற்பது ரூபாய்க்கும் விற்பனை செய்யப்படுகிறது.

தங்கத்தின் விலையைப் போலவே வெள்ளி விலையும் கணிசமாக சரிவை சந்தித்துள்ளது குறிப்பிடத்தக்கது ஆகும். வெள்ளி விலை கிலோவுக்கு ஐயாயிரம் ரூபாய் குறைந்து இரண்டு லட்சத்து ஐம்பத்து ஐயாயிரம் ரூபாய்க்கு விற்பனை செய்யப்படுகிறது. அதேபோல் ஒரு கிராம் வெள்ளி ஐந்த ரூபாய் குறைந்து இருபத்து ஐந்து ரூபாய்க்கும் விற்பனை செய்யப்பட்டு வருகிறது.

தங்கம் மற்றும் வெள்ளியின் விலை திடீரெனக் குறைந்துள்ளதால் நகை வாங்குவோர் மத்தியில் மகிழ்ச்சி ஏற்பட்டுள்ளது. வார இறுதி நாட்களில் தங்கம் மற்றும் வெள்ளி வாங்க விரும்பும் வாடிக்கையாளர்கள் நகைக்கடைகளில் அதிகளவில் ஆர்வம் காட்டி வருகின்றனர். தொடர்ந்து சந்தை நிலவரங்களுக்கு ஏற்ப விலைகளில் மாற்றங்கள் ஏற்படலாம் என்று எதிர்பார்க்கப்படுகிறது.