உலகின் முன்னணி தேடுபொறியான கூகுள் நிறுவனத்தின் இணை நிறுவனர் செர்ஜி பிரின், உலகக் கோடீஸ்வரர்கள் பட்டியலில் 3-வது இடத்தைப் பிடித்து சாதனை படைத்துள்ளார்.

செர்ஜி பிரினின் செல்வ வளம் வியக்கத்தக்க வகையில் உயர்ந்துள்ளது. கூகுள் நிறுவனத்தின் தாய் நிறுவனமான 'ஆல்பபெட்' பங்குகள் மற்றும் பிற முதலீடுகளின் உயர்வைத் தொடர்ந்து, இவரது நிகர சொத்து மதிப்பு சுமார் 243.9 பில்லியன் டாலராக (சுமார் ₹20,000 கோடிக்கும் அதிகமாக) அதிகரித்துள்ளது.

கூகுள் நிறுவனத்தின் கிளவுட் சேவைகள் மற்றும் செயற்கை நுண்ணறிவுத் துறையில் ஏற்பட்டுள்ள முன்னேற்றங்கள், அதன் பங்குச் சந்தை மதிப்பை உயர்த்தியதே இவரது சொத்து மதிப்பு அதிகரிப்பிற்கு முதன்மை காரணியாகும்.

1998-ல் ஆரம்பம்: 1998-ஆம் ஆண்டில் லாரி பேஜ் என்பவருடன் இணைந்து செர்ஜி பிரின் கூகுள் நிறுவனத்தைத் தொடங்கினார். இணையத் தேடலில் மிகப்பெரிய புரட்சியை ஏற்படுத்திய இவர்கள், இன்று உலகின் முன்னணித் தொழில்நுட்பச் சாம்ராஜ்யமாக ஆல்பபெட் நிறுவனத்தை வளர்த்தெடுத்துள்ளனர். தொழில்நுட்பத் துறையில் கூகுள் மற்றும் ஆல்பபெட் காட்டி வரும் தொடர் ஆதிக்கம் காரணமாகவே இவரது சொத்து மதிப்பு உலக அளவில் உச்சத்தைத் தொட்டுள்ளது.