சர்வதேச கிரிக்கெட் வரலாற்றில் இதுவரை இல்லாத அளவிற்கு விளையாட்டு வீரர்களின் அந்தரங்க வாழ்க்கை மற்றும் ஒழுக்கக் கேடுகளை மிக ஓப்பனாகப் பறைசாற்றும் வகையிலான அதிர்ச்சித் தகவல் வெளியாகி உலகக் கிரிக்கெட் ரசிகர்களிடையே பெரும் கொந்தளிப்பையும், பரபரப்பையும் ஏற்படுத்தியுள்ளது.

வெஸ்ட் இண்டீஸ் கிரிக்கெட் அணியின் முன்னாள் அதிரடி வேகப்பந்து வீச்சாளரான டினோ பெஸ்ட் எழுதியுள்ள தனது சுயசரிதை புத்தகத்தில், தான் கிரிக்கெட் விளையாடிய பொற்காலத்தில் உலகம் முழுவதும் சற்றேறக்குறைய 500-க்கும் மேற்பட்ட இளம்பெண்களுடன் படுக்கையறை உறவு கொண்டிருந்ததாக மிக ஓப்பனாக வாக்குமூலம் அளித்துள்ளார்.

ஒரு சர்வதேச விளையாட்டு வீரர் தனது மோசமான அந்தரங்கக் காம லீலைகளைப் புத்தகமாக வெளியிட்டு விளம்பரம் தேட முயன்றிருப்பது கிரிக்கெட் வட்டாரங்களில் பெரும் சர்ச்சையை ஏற்படுத்தியுள்ளது. டினோ பெஸ்ட் அந்தப் புத்தகத்தில் மேலும் குறிப்பிடுகையில், "நான் உலகிலேயே மிக அழகானவன்; என்னை நான் எப்போதும் 'கருப்பு பிராட் பிட்' என்று தான் வர்ணித்துக் கொள்வேன். எனக்குத் தீவிரமாக இளம்பெண்களைக் காதலிப்பதும், அவர்களுடன் உறவு கொள்வதும் மிகவும் பிடிக்கும். உலக நாடுகளில் நான் சுற்றுப்பயணம் மேற்கொண்ட போதெல்லாம் நூற்றுக்கணக்கான அழகிகள் என்னைத் தேடி வந்தனர்" என்று எவ்விதக் கூச்சமுமின்றித் தம்பட்டம் அடித்துள்ளார்.

கடந்த 2003-ஆம் ஆண்டில் பலம் வாய்ந்த ஆஸ்திரேலிய அணிக்கு எதிரான சர்வதேசப் போட்டியில் அறிமுகமான டினோ பெஸ்ட், வெஸ்ட் இண்டீஸ் அணிக்காக 25 டெஸ்ட் போட்டிகள், 26 ஒருநாள் போட்டிகள் மற்றும் 6 டி20 போட்டிகளில் விளையாடிப் பந்து வீசியுள்ளார். குறிப்பாக, கடந்த 2012-ஆம் ஆண்டில் இங்கிலாந்து அணிக்கு எதிரான டெஸ்ட் போட்டியின் போது, 11-வது விக்கெட்டுக்குக் கடைசி வீரராகக் களமிறங்கி யாரும் எதிர்பாராத விதமாக 95 ரன்கள் குவித்து உலக சாதனை படைத்தது இவரது கிரிக்கெட் வாழ்க்கையின் மிக முக்கிய மைல்கல்லாகும்.

அப்படிப்பட்ட ஒரு திறமையான வீரர், தற்போது விளையாட்டைத் தாண்டித் தனது சுயசரிதையில் 500 பெண்களுடன் தொடர்பு வைத்திருந்ததாக வெளியிட்டிருக்கும் விபரம், விளையாட்டு உலகிற்குப் பெரும் அவமதிப்பை ஏற்படுத்தியுள்ளதுடன், இளம் தலைமுறை கிரிக்கெட் ரசிகர்களிடையே கடுமையான அதிர்ச்சியையும், அருவருப்பையும் ஏற்படுத்தியுள்ளது.