தாராபுரம் தொகுதி இடைத்தேர்தல் பரப்புரைக் கூட்டத்தில் பேசிய தமிழக முதலமைச்சர் விஜய், திமுக தலைவர்கள் தன்னை நாகரிகமின்றி ஒருமையில் பேசி வருவதாகவும், அவர்களின் வன்மமான பேச்சுக்கு மக்கள் தகுந்த பாடம் புகட்டுவார்கள் என்றும் கடுமையாகச் சாடினார்.

தாங்கள் எப்போதும் அரசியல் நாகரிகத்தைக் கடைப்பிடித்து மரியாதை கொடுத்து வருவதாகவும், ஆனால் திமுக தலைவர் மு.க.ஸ்டாலின் உள்ளிட்டோர் 'அவன், இவன்' என்று ஒருமையில் பேசி வருவதாகவும் அவர் குற்றம்சாட்டினார்.

தங்களது சொந்தக் கட்சிக்காரர்களை ஏவிவிட்டு தனக்கு எதிராகத் தரக்குறைவான வார்த்தைகளைப் பேச வைப்பதாகக் குறிப்பிட்ட அவர், வன்மத்தையும் ஆபாசத்தையும் அடிப்படையாக வைத்து திமுக தரப்பு கொச்சையாக அரசியல் செய்து வருவதாகத் தெரிவித்தார்.

நாகரிகமற்ற முறையில் விமர்சனங்களை முன்வைத்தாலும், கொள்கை ரீதியாகவும் செயல்பாட்டு ரீதியாகவும் திமுகவும் அதிமுகவும் ஒன்றுதான் என்பதில் எந்த மாற்றமும் இல்லை என்று விஜய் மீண்டும் வலியுறுத்தினார்.