தீவிரமடையும் பருவமழை...  தமிழ்நாடு உட்பட 20க்கும் மேற்பட்ட மாநிலங்களுக்கு கனமழை அலெர்ட்!  

நாட்டின் பல்வேறு மாநிலங்களில் பருவமழை தீவிரமடைந்து வரும் சூழலில் இந்திய வானிலை ஆய்வு மையம் முக்கிய அறிக்கையை வெளியிட்டுள்ளது. பொதுவாக டிசம்பர் மாதங்களில் மட்டுமே காணப்படும் தீவிர மழைப்பொழிவு இந்த ஆண்டு ஜூலை மாதத்திலேயே தொடங்கிக் கலக்கத்தை ஏற்படுத்தியுள்ளது. தமிழ்நாடு உட்பட 20-க்கும் மேற்பட்ட மாநிலங்களில் மழை எவ்வாறு இருக்கும் என்பது குறித்து விரிவான விபரங்கள் அதில் இடம்பெற்றுள்ளன. வடமாநிலங்களில் பெய்து வந்த கனமழை படிப்படியாகத் தென்னிந்திய மாநிலங்களையும் தீவிரமாகப் பாதிக்கத் தொடங்கியுள்ளதாகச் சுட்டிக்காட்டப்பட்டுள்ளது.

ஹிமாச்சலப் பிரதேசம், உத்தரகாண்ட், ஜம்மு & காஷ்மீர், லடாக் உள்ளிட்ட பகுதிகளில் பரவலாக மழை பெய்யும் எனக் கணிப்புகள் தெரிவிக்கின்றன. பஞ்சாப், ஹரியானா, டெல்லி, உத்தரப் பிரதேசம், ராஜஸ்தான், மத்தியப் பிரதேசம் மற்றும் விதர்பா பகுதிகளில் கனமழை முதல் மிகக் கனமழைக்கு வாய்ப்புள்ளது. அசாம், மேகாலயா, அருணாச்சலப் பிரதேசம் மற்றும் மணிப்பூர் ஆகிய மாநிலங்களில் வரும் 29-ஆம் தேதி வரை மிகக் கனமழை பெய்யும் என எச்சரிக்கப்பட்டுள்ளது. தென்னிந்தியாவில் கேரளா, கர்நாடகா, தமிழ்நாடு, புதுச்சேரி மற்றும் தெலங்கானா ஆகிய பகுதிகளில் பருவமழையின் தாக்கம் அதிகமாக இருக்கக்கூடும்.

ஆந்திரப் பிரதேசத்தின் கடலோரப் பகுதிகளில் மணிக்கு 50 முதல் 70 கிலோமீட்டர் வேகத்தில் பலத்த காற்று வீசக்கூடும் என அறிவிக்கப்பட்டுள்ளது. இதனால் வெள்ளப் பாதிப்புகள் மற்றும் நிலச்சரிவு ஏற்படும் அபாயம் உள்ளதாக வானிலை ஆய்வு மையம் எச்சரிக்கை விடுத்துள்ளது. ஆற்றங்கரையோரங்கள், தாழ்வான பகுதிகள் மற்றும் மலைப்பாங்கான இடங்களில் வசிக்கும் மக்கள் விழிப்புடன் இருக்குமாறு கோரப்பட்டுள்ளது.