அமெரிக்க அதிபர் டிரம்ப் ஹெலிகாப்டர் அருகில் பறந்த பயணிகள் விமானம்...  பரபரப்பு வீடியோ!

அமெரிக்க அதிபர் டிரம்ப் பயணித்த மெரைன் ஒன் ஹெலிகாப்டருக்கு அருகில் பயணிகள் விமானம் ஒன்று மிக அருகில் பறந்த சம்பவம் அப்பகுதியில் பெரும் அதிர்ச்சியை ஏற்படுத்தியுள்ளது. மேரிலேண்ட்டில் உள்ள ஜாயிண்ட் பேஸ் ஆண்ட்ரூஸ் ராணுவ தளத்திற்கு அதிபர் டிரம்ப் ஹெலிகாப்டர் மூலமாகச் சென்று கொண்டிருந்தபோது இந்த ஆபத்தான நிகழ்வு அரங்கேறியுள்ளது. வாஷிங்டனில் உள்ள ரொனால்ட் ரீகன் விமான நிலையத்திலிருந்து புறப்பட்ட அந்தப் பயணிகள் விமானம் அதிபரின் ஹெலிகாப்டருக்கு மிக நெருக்கமாக வந்ததால் பாதுகாப்பு அதிகாரிகள் உஷாராகினர்.

விதிமுறைகளை மீறி நாட்டின் மிக முக்கியப் பிரமுகரின் விமானத்திற்கு அருகில் ஒரு பயணிகள் விமானம் வந்தது பாதுகாப்புத் தரப்பினரிடையே பெரும் கேள்விகளை எழுப்பியுள்ளது. அதிபரின் பாதுகாப்பில் ஏற்பட்ட இந்தத் தீவிரமான குறைபாடு மற்றும் விமானப் போக்குவரத்து கட்டுப்பாட்டு அறையின் தகவல் பரிமாற்றப் பிழைகள் குறித்து விரிவான விசாரணைகள் தொடங்கப்பட்டுள்ளன.

பெடரல் விமானப் போக்குவரத்து ஆணையம் இந்தச் சம்பவம் தொடர்பான அனைத்துத் தரவுகளையும் சேகரித்துத் தீவிரமாக ஆய்வு செய்து வருகிறது.விமானப் பாதுகாப்பு நடைமுறைகளை மீறிச் செயல்பட்டதற்கான காரணங்கள் மற்றும் கட்டுப்பாட்டு அறையின் செயல்பாடுகள் குறித்து உயர் அதிகாரிகள் தீவிர விசாரணையில் ஈடுபட்டுள்ளனர். உலகத் தலைவர்களின் பயணங்களின் போது பின்பற்றப்படும் கடுமையான பாதுகாப்பு நெறிமுறைகள் குறித்து இந்தச் சம்பவம் மீண்டும் ஒருமுறை உலக நாடுகளின் கவனத்தைத் திருப்பியுள்ளது