பிரிட்டனில் கோர விபத்து.. 2 போலீசார் உட்பட 7 பேர் உயிரிழப்பு!

பிரிட்டனின் க்ளீவ்லேண்ட் நகரில் ஏற்பட்ட அதிர்ச்சி கரமான சாலை விபத்தில் ரோந்துப் பணியில் ஈடுபட்டிருந்த 2 காவலர்கள் உட்பட 7 பேர் உயிரிழந்தனர்.

க்ளீவ்லேண்ட் நகரின் முக்கியச் சாலையில், கட்டுப்பாட்டை இழந்த அதிவேக வாகனம் ஒன்று எதிரே தவறான திசையில் வந்துள்ளது. அவ்வாறு தவறான திசையில் வந்த வாகனம், அந்தச் சாலையில் வழக்கமான ரோந்துப் பணியில் ஈடுபட்டுக் கொண்டிருந்த காவல் துறையின் வாகனத்தின் மீது மிகக் கொடூரமாக மோதி விபத்துக்குள்ளானது.

மோதலின் கொடூர வீரியம் காரணமாக இரு வாகனங்களும் முற்றிலுமாக நொறுங்கின. இதில் வாகனங்களில் பயணித்த 2 காவலர்கள் உட்பட மொத்தம் 7 பேர் சம்பவ இடத்திலேயே உடல்நசுங்கிப் பரிதாபமாக உயிரிழந்தனர்.

விபத்து குறித்துத் தகவலறிந்து உடனடியாகச் சம்பவ இடத்திற்கு விரைந்து வந்த அவசரகால மீட்புக் குழுவினர் மற்றும் தீயணைப்புப் படையினர், வாகன இடிபாடுகளுக்குள் சிக்கியிருந்தவர்களின் உடல்களை மீட்டனர். இச்சம்பவம் குறித்து வழக்குப் பதிவு செய்துள்ள காவல்துறையினர், விபத்துக்கான முகாந்திரம் மற்றும் ஓட்டுநரின் கவனக்குறைவு குறித்துத் தீவிர விசாரணை நடத்தி வருகின்றனர்.