வைகோவின் தலைமையில் 1994-ஆம் ஆண்டு தொடங்கப்பட்ட மறுமலர்ச்சி திராவிட முன்னேற்றக் கழகம், தமிழக அரசியலில் பல்வேறு திருப்புமுனைகளைக் கண்டுள்ளது. திமுகவில் இருந்து பிரிந்து உதயமான இக்கட்சி, காலத்திற்கேற்ப பல முக்கிய கூட்டணிகளில் பயணங்களை மேற்கொண்டுள்ளது.

1994-ல் கட்சி தொடங்கப்பட்ட பிறகு, ஆரம்ப காலகட்டங்களில் தனித்து நின்றும், பல்வேறு கட்சிகளுடன் இணைந்தும் மதிமுக தனது அரசியல் தடத்தைப் பதித்தது.

தேசிய ஜனநாயகக் கூட்டணி (1998) : திமுகவுடன் இணைந்து 1998 மற்றும் 1999 மக்களவைத் தேர்தல்களில் போட்டியிட்ட மதிமுக, மத்தியில் வாஜ்பாய் தலைமையிலான பாஜக ஆட்சியில் தன்னை இணைத்துக்கொண்டது. பின்னர் 2014-களிலும் பாஜக கூட்டணியில் தொடர்ந்தது.

அதிமுக கூட்டணி (2006 - 2011): திமுக கூட்டணியில் இருந்து விலகி 2006 சட்டப்பேரவைத் தேர்தலில் அதிமுக கூட்டணியில் இடம்பெற்ற மதிமுக, பின்னர் 2011 தேர்தலின் போது ஏற்பட்ட தொகுதிப் பங்கீடு சிக்கல் காரணமாக அக்கூட்டணியில் இருந்து வெளியேறியது.

மக்கள் நலக் கூட்டணி (2016): விஜயகாந்தின் தேமுதிக, விடுதலைச் சிறுத்தைகள் மற்றும் இடதுசாரிக் கட்சிகளுடன் இணைந்து 2016 தேர்தலில் மக்கள் நலக் கூட்டணியை உருவாக்கிக் களமிறங்கியது.

திமுக கூட்டணி (2019 - 2026): நீண்ட இடைவெளிக்குப் பிறகு 2019 மக்களவைத் தேர்தல் முதல் திமுக தலைமையிலான மதச்சார்பற்ற முற்போக்கு கூட்டணியில் அங்கம் வகித்து வந்தது.

தவெக கூட்டணி (2026): திமுக கூட்டணியிலிருந்து விலகிய மதிமுக, தற்போது தமிழக வெற்றிக் கழகம் (தவெக) தலைமையிலான 'மதச்சார்பற்ற சமூகநீதி வெற்றிக் கூட்டணி'யில் தன்னை இணைத்துக் கொண்டு புதிய அரசியல் அத்தியாயத்தைத் தொடங்கியுள்ளது.