திமுக மற்றும் அதன் கூட்டணிக் கட்சிகளிடையே முரண்பாடுகள் மற்றும் காரசாரமான விவாதங்கள் எழுந்துள்ள தற்போதைய அரசியல் சூழலில், நேற்று நடைபெற்ற பொது நிகழ்ச்சி ஒன்றில் பேசிய பிரபல பேச்சாளர் பேராசிரியர் அப்துல் காதர், திமுகவின் பலம் குறித்தும், கூட்டணியை விட்டு விலகிச் சென்றவர்கள் குறித்தும் தனது பாணியில் பேசியுள்ளார்.

நிகழ்ச்சியில் பேசிய பேராசிரியர் அப்துல் காதர், கடந்த காலங்களில் திமுக செய்த உதவிகளையும், அதற்குப் பிரதிபலனாகக் கூட்டணிக் கட்சிகள் நடந்து கொள்ளும் விதத்தையும் ஒப்பிட்டுப் பேசினார். அதில், "அடிமட்டக் காலத்தில் கைக்கே கைகொடுத்துக் தூக்கிவிட்டது நம்ம கழகம் (திமுக) தானே? நமக்கு எப்போதும் பிறருக்குக் கை கொடுத்துப் பழக்கமே தவிர, யாரையும் பின்னால் இருந்து காலைவாரிப் பழக்கம் கிடையாது."

"கையை விட்டுவிட்டு, காலை வாரிச் சென்றவர்களின் வீட்டு மளிகைப் பொருட்கள் பட்டியலில் 'உப்பு' மட்டும் கட்டாயம் இருக்க வாய்ப்பில்லை" என்று நன்றியுணர்வைச் சுட்டிக்காட்டினார்.

திமுகவிற்குத் தோல்விகளும், சரிவுகளும் ஒன்றும் புதிய விஷயமல்ல என்று குறிப்பிட்டவர், "நடந்து முடிந்த தேர்தல்களில் வெற்றி வாய்ப்பை இழந்தது திமுகவுக்குப் புதிதல்ல. இது தற்காலிகமாக நடந்த ஒரு விபத்து மட்டுமே. இந்தச் சிறிய விபத்தினால் திமுக என்ற பேரியக்கம் எந்தக் காலத்திலும் அசைந்து விடாது. பூமத்திய ரேகையைப் பூகம்பத்தால் பிளந்து விட முடியாது" என்று மிக ஆணித்தரமாகப் பதிவு செய்தார். மீண்டும் திமுக எழுச்சி பெற்று வரும் என்றும் அவர் தனது உரையில் நம்பிக்கை தெரிவித்தார். திராவிடப் பெருந்தலைவர்கள் மற்றும் திமுக தொண்டர்கள் மத்தியில் இவரது இந்த உரை சமூக வலைதளங்களில் வேகமாகப் பரவி வருகிறது.